"كلمات دحمان الحراشي " يا ليام علاهذ الغدر
اضغط هنا لقراءة المزيد من كلمات وقصائد الشعبي الجزائري

يا ليام علاش ذالغدر
هولتي عقلي وكتفتي يدّيا
صايرلي كي الطير لي نكسر
ما يقدر يبكي ولا يحكي بقصية

يا ليام علاش ذالغدر
هولتي عقلي وكتفتي يديا
صايرلي كي الطير لي نكسر
ما يقدر يبكي ولا يحكي بقصية

يا اللايم نبدى بقصتي نحكيلك أيام غربتي
والشمعة ما ضوات ليلتي غاب اللوم عليا
مڨواني والخاطر انقهر نسهر كل عشية
ما نصبر ما صفات نيتي فالدنيا ما صبت راحتي
شكون يفسر لي قرعتي في قرعة لمبيا
نحكيلك إلا عذرتني شكون يدعي دعوة يفيدني
يتفاجى قلبي يضرني يعمل خير ومزية

يا ليام علاش ذالغدر
هولتي عقلي وكتفتي يديا
صايرلي كي الطير لي نكسر
ما يقدر يبكي ولا يحكي بقصية
يا اللايم نشتكي بليعتي نكتب او نقرى بريتي
يا من دراشي تجي دالتي تطل الشمس عليا
لي مهني ماجابلي خبر ولا قال حليلو
كي نبرى ونصيب صحتي نزهى ونبين فرحتي
مابين أهلي وخاوتي في وسط اماليا
نحكيلك إلا سمعتي ويلا خطيت الطريق ردني
ولي كي بحالي غاضني ما يزيدلي بخطية

يا ليام علاش ذالغدر
هولتي عقلي وكتفتي يديا
صايرلي كي الطير لي نكسر
مايقدر يبكي ولا يحكي بقصية

نعطيك العاهد كلمتي كان نتا فاهم سيرتي
ويلا طفاو جمار كيتي نهديلك هدية
نستنى فالسعد والزهر مابين الجمعية
نبكي ما سالت دمعتي والبحر مخلوض موجتي
نسيت شغالي وصنعتي وغابتلي العقلية
نسيت حبابي ومنزلي هذا الوعد لي جابني
الزمان داني وردني واليوم دار عليا

يا ليام علاش ذالغدر
هولتي عقلي وكتفتي يديا
صايرلي كي الطير لي نكسر
ما يقدر يبكي ولا يحكي بقصية
يا ليام علاش ذالغدر
هولتي عقلي وكتفتي يديا
صايرلي كي الطير لي نكسر
ما يقدر يبكي ولا يحكي بقصية