"كلمات دحمان الحراشي "أصنت وافهم واش نقول
اضغط هنا لقراءة المزيد من كلمات وقصائد الشعبي الجزائري

أصنت وافهم واش نقول فهم ذيك الجمعية
كان نتا من أهل العقول مايشقاش تلوم عليا

الله يجعل قولي مقبول يمنعني من الذنوب و السية
ما تغير حالي يا مرسول يهديك الله دير مزية
نبغي الهنا وما نحب الهول سيدي ربي عالم بيا
كل واحد بين اهلو معقول كل واحد قصتو بقصية

أصنت وافهم واش نقول فهم ذيك الجمعية
كان نتا من أهل العقول مايشقاش تلوم عليا

أطلب ربي بابو محلول يعفو عليك و يتوب عليا
كل واحد في فكرو مشغول كل واحد مبلي ببلية
واحد عاقل واحد مهبول لاخر حيلي لاخر نية
واحد عزيز لاخر مذلول لاخر خارج من الشرعية

أصنت وافهم واش نقول فهم ذيك الجمعية
كان نتا من أهل العقول مايشقاش تلوم عليا

يا اللايم قولي علاش تلوم كف كلامك واسمع ليا
خليه في حالو للي مغروم مسكين يجري صباح وعشية
واحد ظالم لاخر مظلوم لاخر حياتو مخفية
واحد فاهم قاري العلوم لاخر ناقص فالعقلية
أصنت وافهم واش نقول فهم ذيك الجمعية
كان نتا من أهل العقول ميشقاش تلوم عليا

يا للي داخل فالبحر تعوم بين الريّاس والبحرية
رد بلاك لا تبقى محكوم ترجع مابين الخلوية
بلاك تنعس يديك النوم تغرق فالموجات قوية
بلاك يطيح بيك السلوم تبّت عقلك فيق شوية

أصنت وافهم واش نقول فهم ذيك الجمعية
كان نتا من أهل العقول مايشقاش تلوم عليا

أصنت وافهم واش نقول فهم ذيك الجمعية
كان نتا من أهل العقول مايشقاش تلوم عليا
مايشقاش تلوم عليا، مايشقاش تلوم عليا