"كلمات دحمان الحراشي "ياك النسر مايتربى
اضغط هنا لقراءة المزيد من كلمات وقصائد الشعبي الجزائري

ياك النسر مايتربّى حتى الذيب ما يتعاشر
العبد المليح رجع يتخبى واللّي قبيح ولّا ظاهر
بالاك تطيح في طريقو يا ستّار تصيبو كل يوم يڨابر
بالاك تطيح في طريقو يا ستّار تصيبو كل يوم يڨابر

ياويحو اللّي غفل ياحليلو مسكين
تقولشي ماقرا مافهم مع روحو يتخاطر
اللّي مايسمع تقولشي ماعندو وذنين
كلي ماستغل ماجلس ولّا ماهو شاطر
اللّي مايفهم كيفاش تحب يفهم لوخرين
هاذاك يزيد في كلامو ويضّيق الخاطر
هاذا هو كلام راسي عليا مدبّر
لكن اللّي يشد حرمو يرجع مقادر

ياك النسر مايتربّى حتى الذيب ما يتعاشر
العبد المليح رجع يتخبى واللّي قبيح ولّا ظاهر
بالاك تطيح في طريقو يا ستّار تصيبو كل يوم يڨابر
بالاك تطيح في طريقو يا ستّار تصيبو كل يوم يڨابر

أيام الله جايزين كي الاحد كي لثنين
سبحان الله ربنا اللّي في ملكو يامر
اللّي مربّي من عند ربّي عاقل ورزين
سرّو مخبّي واللّي دعا لربّي قافز وشاطر
اللّي عندو كلام يجرح تقولشي سكّين
وانا عندي كلام يصلح بالحق وظاهر
كاش نواسي مابنيت ساسي مازلني صابر
آش بقالي مانخالط مانزيد نعاشر
ياك النسر مايتربّى حتى الذيب ما يتعاشر
العبد المليح رجع يتخبى واللّي قبيح ولّا ظاهر
بالاك تطيح في طريقو يا ستار تصيبو كل يوم يڨابر
بالاك تطيح في طريقو يا ستّار تصيبو كل يوم يڨابر

كلمة الحق باينة عليك وعلى لوخرين
ثبّت عقلك يا العاقل كون مع الحاضر
عباد اليوم نصهم رجعوا غيورين
أحضي نفسك يا الغافل هاذ الشي ظاهر
عييت نوصّي كيما بحالك مدّة وسنين
واحد فيهم مافهمني من ذوك لمصاغر
عييت نوصّي كيما بحالك مدّة وسنين
واحد فيهم مافهمني من ذوك لمصاغر

ياك النسر مايتربّى حتى الذيب ما يتعاشر
العبد المليح رجع يتخبى واللّي قبيح ولّا ظاهر
بالاك تطيح في طريقو يا ستار تصيبو كل يوم يڨابر
بالاك تطيح في طريقو يا ستّار تصيبو كل يوم يڨابر