[Intro]
Yo!

[Verse 1]
'Memba when mi roll up inna di court, 6:15 fi my case
Full Versace from di suit, Versace boot, Versace lace
It's like a presidential race, di 'mount ah people inna di place
Mi see di whole ah Waterford and Southside and Spanish Town crazy face
Mi nuh come a court fi joke like Chevy Chase
(Whats di charge?) Dem seh mi arms up like a military base
Perry Mason a mi lawyer from di United States
Him know di good, him know di bad, is like a two-sided face
Court in session, Clark ah court seh in a second, judge appearing
Judge appear and start di hearing
Bible rise, people swearing
"Mr. Palmer," said di judge, "Entertainer come to court too?"
She seh, "What yuh here today fah?"
Me seh, "Dat mi wah fi know too"
She seh, "Listen! Di officer dem a charge yuh fi possession of a weapon
Plus di ammunition, dats another felon
Plus yuh wanted in a connection with a murder" (Wah?)
"Yuh have anything to say before di court goes any further?"
Mi just seh

[Chorus]
Mi never bring nuh gun dat day, Your Honour
Mi never bring nuh gun dat day, jury
Mi never bring nuh gun dat day, God know
Mi never bring nuh gun dat day
Go fi di police make him testify
Subpoen' di police make him testify
'Cause he's telling all kinda lie
Mi lawyer seh da case ya fi sign a lie
[Verse 2]
Aye, time fi trial, first witness to di stands:
Stephen McGregor, top producer of di reggae songs
"Raise your hands, do you swear to tell di right an not di wrongs?"
"Yeah!"
"On the day of question, tell me everything you plan"
"Your Honour, when me did a drive go check somebody
When mi reach a Barbican, mi get pull over by a squaddy
As him see di entertainer, him seh, 'Who dat, ah Addi? Long time mi wah fi buck yuh up fi deal wid you shabby'"
Him seh, "If a never day, mi make Madden pick up yuh body"
And ah tell him bout him ago mek mi career end up shabby"
"Objection", "overruled"
"After dat, him rise di shotty
Put it inna di back a di car, go pon him radio like a cabby
"Back up! Back up! Suspect is armed with a shotty"
When mi look, mi see di whole a Barbican and couple Ratty
To di station dem escort we
Mi reach, dem seh dem a charge mi
Mi seh, "Who fa murder dat?"
Him seh, "Shut up, and d'even ask mi"
Dem seh dem ah go charge mi fi di shotty and di cartridge
Plus couple nine rounds, speci' and some .40s
Sitting in di court thinking 'bout Rahiem, Jahiem and Shorty
Mi just jump up and ball out seh

[Chorus]
Mi never bring nuh gun dat day, Your Honour
Mi never bring nuh gun dat day, jury
Mi never bring nuh gun dat day, God know
Mi never bring nuh gun dat day
Go fi di police make him testify
Subpoen' di police make him testify
'Cause he's telling all kinda lie
Mi lawyer seh da case ya fi sign a lie
[Verse 3]
Yo
Next witness, arresting officer
Mr. McGee, anuh police a DC
Wah fi sink Addi di Teacha from di Foster G.C
Him wah mi enterprise fi shut down like a PC
Testimony start, him ah tell Your Honour fi him part, seh him:
"Approach di suspect, right away, him start wrath
Right away, him get boisterous and cuss up bare claat
When mi see di rifle mouth, it skip di beat inna mi heart!" (Bloodclaat!)
Di judge guh gimmie a look wah mek mi get weak
Diarrhea like mi wah fi mek a toilet wid mi seat
Mi seh, "Lawyer, how it look?"
Him shake him head and kiss him teeth
And whisper, "If yuh get nuh bail, leave town before this week"
Di world a crumble, reality start to soak in
Same time Your Honour seh, "Court is adjourned until di 14th"
Wah? Mi fled di scene, pack up mi bag fi go El Paso
Wuss mi know seh mi nuh guilty, mi nah come back yaso, cah

[Chorus]
Mi never bring nuh gun dat day, Your Honour
Mi never bring nuh gun dat day, jury
Mi never bring nuh gun dat day, God know
Mi never bring nuh gun dat day
Go fi di police make him testify
Subpoen' di police make him testify
'Cause he's telling all kinda lie
Mi lawyer seh da case ya fi sign a lie