Ma maistresse et ma plus grant amye
De mon desir la mortelle ennemye
Parfaite en biens s'onques mais le fut femme
Celle seule de qui court bruit et famme
D'estre sans per, ne vous veray je mye?

Helas de vous bien plaindre me devroie
S'il ne vous plaist que briefmеnt vous revoye
M'amour par qui d'aultre aimеr n'ay puissance
Car sans vous voir en quelque part je soye
Tout ce que voys me desplaist et ennoye
Ne jusqu'alors je n'auray suffisance

Incessament mon dolent cuer larmye
Doubtant qu'en vous pitie soit endormye
Qui ja ne soit ma tant amee dame
Mais s'aincy est si malheureux me clame
Que plus ne quiers vivre heure ne demye

Ma maistresse et ma plus grant amye
De mon desir la mortelle ennemye
Parfaite en biens s'onques mais le fut femme
Celle seule de qui court bruit et famme
D'estre sans per ne vous veray je mye