Aultre Venus estes sans faille
Plus que nulle autre creature
De corps de beaulte de figure
La semblez et de mesmes taille

Celui qui les amours detaille
Peust de vous dire par droicture
Autre Venus estes sans faille
Plus que nulle autre creature

Qui contredit j'offre bataille
A oultrance et a desmesure
Maintenant qu'il vous fait injure
Se le tistre tel ne vous baille

Autre Venus estes sans faille
Plus que nulle autre creature
De corps de beaulte de figure
La semblez et de mesmes taille