[一群香港聲樂學院小朋友 & 兩個大人「無敵哪吒」歌詞]

[副歌: 一群香港聲樂學院小朋友]
邊個會嚟陪我玩
仲有邊個會嚟陪我玩到發育
邊個會嚟陪我玩
仲有邊個會嚟陪我做如來佛

[主歌: 一群香港聲樂學院小朋友]
踩起風火輪 滑落大遊戲
眼耳有六雙 跟妖魔上街
入夜就能練成我哋 無謂無用無懼
無敵到削肉
推低摩天輪 換掉大人咒
倒轉過乾坤 圈一圈可上天
入地亦能練成沒名沒姓 無敵無敵無敵
無敵到換骨

[副歌: 一群香港聲樂學院小朋友]
邊個會嚟陪我玩
仲有邊個會嚟陪我玩到發育
邊個會嚟陪我玩
仲有邊個會嚟陪我摘蟠桃蜜
邊個會嚟陪我玩
仲有邊個會嚟陪我玩到結局
邊個會嚟陪我玩
仲有邊個會嚟陪我問
[讀白]
你最想邊個陪你玩呀？媽咪。你最想媽咪陪你玩乜嘢呀？玩嘢。玩乜嘢？玩 Thomas。
我最鍾意同同學玩，我鍾意同佢哋玩唔同嘅遊戲。我想同學仔一齊玩積木連環火車，呀唔係，都係欸……欸家庭角。
我最鍾意同佢玩畫圖畫，因為呢佢呢又好鍾意圖畫㗎。
我最想媽媽仲有爸爸陪我玩 puzzle，睇書書，啤啤熊。
我鍾意同朋友同我玩飛行棋。
鍾意同佢哋玩化妝，一齊化妝好搞笑㗎。
小朋友……小玩具。
佢哋係學校最好嘅朋友。