Paroles de Dizzy Dros feat Komy "Mafehmounich / مافهمتونيش"[Dizzy Dros : اللازمة]
عييت ... ڭاعما فهمتوني
فين ما حطيت يدي كتجيو باش تحبسوني
اووو غانمشي حيت
عييت ... ڭاعما فهمتوني
فينما حطيت يدي كتجيو باش تحبسوني
اووو غانمشي حيت

[Komy : المقطع الأول]
شنو لي خلاني ندوي غي باش نڭول لك لي فبالي
بزاف لحوايج عايشا معايا و تا حاجة ما فاهماني
بحالا كاين غي بوحدي فوسط بنادم و بنادم ما بحالي
ما حاملينيش حيت عارفين طريقي طويلة ورا ماكاتسالي
حيت تاندير انا داكشي لي بغيت نديرو ماسوقيش فالناس
ما كانديرش بحالكم انا كنزيد ماشي كنبقا غير عاس
I can't believe الفرق بيناتنا كاين فالقلب و الراس
لا ما وصلوكش يتيريو فيك من بعيد غي باش تقاس
ما عطيتونيش ما وصلتونيش ما فهمتونيش غي بالاك
ما قتلتونيش ما دفنتونيش ما فتونيش ڭلتها لك
ما كنتشابهوش ما كنحقدش لا جبتيها را ديالك
خليني هنا غي بوحدي ڭابلتيني را غيدار لك
غير سيرو
ما تايقش فيكم را ما تايقش فيكم
عامرني ما ندوز من جيهتكم
و اليوم لا مشيت حيت باقي فيا عرق باغي يعيش
واخا ڭاع ما باغينيش نمشي را ما فاهمينيش
غانمشي حيت
[Dizzy Dros : اللازمة]
عييت ... ڭاعما فهمتوني
فين ما حطيت يدي كتجيو باش تحبسوني
اووو غانمشي حيت
عييت ... ڭاعما فهمتوني
فينما حطيت يدي كتجيو باش تحبسوني
اووو غانمشي حيت

[Dizzy Dros : المقطع الثاني]
ما فهمونيش دويت و ما سمعونيش
ما عرفتش واش صوتي طايح ولا غي ما حملونيش
وقف عليا عمر فمنامي
ڭلت ليه يلا شي نهار تقطع لساني
ولا شي نهار ما بقيتش كانرابي عنداك تنساني
عشران بلعاني عارف مورا ما فنيت معاكم عمري
غتشطحو فوق من قبري لواليدة كنڭول لك صبري
تحاملو قتلو الولد الحلمة عمرها كملات
و الارض قدما كبرات فوجهي سدت لقنات
عايش حياتي راسي واخا يڭولو حاس براسي
باطرون ديال راسي باش لا غلطت غنحاسب راسي off
اجي دير راسك بلاصتي
هاكا الشهرة هاكا حياتي هاكا دنوبي
و ارا قد الحرية لي عند اليد فالـ Bracelet
عمر بنادم غينفعك بنادم را تابع غا لماصو
عمر بنادم غيفهمك بنادم ما فاهم تا راسو
و اليوم لا مشيت حيت باقي فيا عرق باغي يعيش
واخا ڭاع ما باغينيش نمشي راكم مافاهمينيش
غانمشي حيت عيت
[Dizzy Dros - الخرجة]
غانمشي حيت عيت
غانمشي حيت عيت
غانمشي حيت عيت
ما فهمونيش ما فهمونيش ما فهمونيش (x4)

[Dizzy Dros : اللازمة]
عييت ... ڭاعما فهمتوني
فين ما حطيت يدي كتجيو باش تحبسوني
اووو غانمشي حيت
عييت ... ڭاعما فهمتوني
فينما حطيت يدي كتجيو باش تحبسوني
اووو غانمشي حيت