[المقطع الأول]
لو بكرة نهاية العالم
هنزل أفول عربيتي
وأخدها وأعدي عليكي
ننزل نتفسح
مش عارف هنروح فين
هنسوق زي المجانين
وهنركن في الممنوع
ونمشي حافين
ندخل على السوبر ماركت
نسرق تفاحة ونهرب
نتريق على اللي يعدي
وممكن نشرب
ونجيب بفلوسنا سجاير
اللي بطعم النعناع
ونقوله وإحنا بندفع

[اللازمة]
هاتلنا بالباقي لبان
هناكلها ونعمل صوت
هاتلنا بالباقي لبان
علشان نعمل بلالين
هاتلنا بالباقي لبان
أنا عايز أكون فرحان
هاتلنا بالباقي لبان
هاتلنا بالباقي لبان
[المقطع الثاني]
لو بكرة نهاية العالم
هشتري موتوسيكل سباق
وهنمشي مش هنفرمل
هنكسر العداد
هنسجل فيديو أنا وإنتي
هنقول إيه مش عارفين
ممكن نحكي فوايد
اللعب مع الدلافين
ونقف قدام السينما
نتفرج على الأفيشات
وأحكيلك فيلم أنا شفته
بطله من أوله مات
ونجيب بفلوسنا سجاير
اللي بطعم النعناع
ونقول وإحنا بندفع

[اللازمة]
هاتلنا بالباقي لبان
هناكلها ونعمل صوت
هاتلنا بالباقي لبان
علشان نعمل بلالين
هاتلنا بالباقي لبان
أنا عايز أكون فرحان
هاتلنا بالباقي لبان
من بكرة مافيش تاني ناس