[المقطع الأول]
أهو قالي هريحك
وخلاص هبعد وأسيبك
عمري تاني ما هجرحك
أنا ليه زعلانة يعني
قلت سيبني وهو سابني
دلوقتي ليه حنيتله تاني ضعفت ليه
على إيه ندمانة بعده
مش أنا اللي إخترت بعده
ولا يعني عشان لقيتني بهون عليه

[اللازمة]
إيه جرالي في بعده إيه
كل يوم مشتاقة ليه
قربه وبعده عذاب وأتاري عذابي نصيب
أنا مش عارفة هعيش إزاي
معقولة يكون راح مش جاي
لأ أنا حاسة إنه هيرجعلي ومش هيغيب

[المقطع الثاني]
من وقت غيابه ليه
الأيام هي هي
وصعب أداري حنيني ليه
أنا كنت بعانده جايز
بس لا أنا قلبي عايز
يبقى جنبه الله يسامحه ع البعاد
فيها إيه لو كان عاتبني
وقالي ليه قلتلي سيبني
ولا هو كان بيستنى العناد
[اللازمة]
إيه جرالي في بعده إيه
كل يوم مشتاقة ليه
قربه وبعده عذاب وأتاري عذابي نصيب
أنا مش عارفة هعيش إزاي
معقولة يكون راح مش جاي
لأ أنا حاسة إنه هيرجعلي ومش هيغيب