[المقطع الأول]
كل جرح بيبقى صعب في أوله
واللي أصعب لو هعيش أندم عليه
لازم أنسى وجرحه ليا أستحمله
قبل ما يضيع عمري بسأل هعمل إيه
مش مهم خدعني مين
لسه في ناس طيبين
والحياة مش واقفة ع اللي خدعني فيه
مش مهم خدعني مين
لسه في ناس طيبين
والحياة مش واقفة ع اللي خدعني فيه

[اللازمة]
وأهي كانت غلطة مش أكتر
ولا يمكن تاني هتتكرر
معلش الدنيا دي بتعلم
وأنا إتعلمت
على إيه هتعب ليه أتحمل
حد ما كانليش يوم من الأول
على قد ما جرحي معاه طول
هنساه دلوقت
وأهي كانت غلطة مش أكتر
ولا يمكن تاني هتتكرر
معلش الدنيا دي بتعلم
وأنا إتعلمت
على إيه هتعب ليه أتحمل
حد ما كانليش يوم من الأول
على قد ما جرحي معاه طول
هنساه دلوقت
[المقطع الثاني]
ليه بفكر في اللي باعني كتير كده؟
ليه عذابي في حد دايماً أحن ليه؟
ليه بعيش طيب أوي بالشكل ده؟
لما أعيش لنفسي مرة هيحصل إيه؟
ليه هضحي بقلبي سهل؟
ليه ما بحسبهاش بعقل؟
قبل ما أمشي طريق أشوف نهايته إيه
ليه هضحي بقلبي سهل؟
ليه ما بحسبهاش بعقل؟
قبل ما أمشي طريق أشوف نهايته إيه

[اللازمة]
وأهي كانت غلطة مش أكتر
ولا يمكن تاني هتتكرر
معلش الدنيا دي بتعلم
وأنا إتعلمت
على إيه هتعب ليه أتحمل
حد ما كانليش يوم من الأول
على قد ما جرحي معاه طول
هنساه دلوقت
وأهي كانت غلطة مش أكتر
ولا يمكن تاني هتتكرر
معلش الدنيا دي بتعلم
وأنا إتعلمت
على إيه هتعب ليه أتحمل
حد ما كانليش يوم من الأول
وعلى قد ما جرحي معاه طول
هنساه دلوقت