‫[كلمات أغنية "مش كفاية"]

[المقطع الأول]
مش كفاية
ألف إحساس حلو جوايا مات معايا
ألف جرح قديم بسببك فيا كان سايب بقايا
لسه ما إستكفتش من وجعي وآذايا
مش كفاية
جاي تصحي فيا ليه مواجع نسيتها
ولا مش عاجبك نهايتي اللي بإيديك إنتهيتها
جاي تزود سطر ناقص في النهاية

[اللازمة]
مش كفاية
هو بقى في عمر باقي تاخده مني (آه)
ربنا يسامحك وعلى جرحك يعيني
شيلت ذنبي وذنبي في رقبتك لكني
غصب عني كتير دعيتلك بالهداية
مش كفاية (مش كفاية)
هو بقى في عمر باقي تاخده مني
ربنا يسامحك وعلى جرحك يعيني (آه)
شيلت ذنبي وذنبي في رقبتك لكني
غصب عني كتير دعيتلك بالهداية

[المقطع الثاني]
مش كفاية
ألف ذكرى مُرة سايبة أثرها فيا
ده إنت لو بتحن ليا
تبقى حنيت للآذية
ربنا لوحده اللي عالم بالنوايا
مش كفاية
عز يعني عليك سنين بينك وبيني
ولا واحشينك يوميني
ولا وحشك دمع عيني
طب ده لو تاعبك فراقي قول فدايا
[اللازمة]
مش كفاية (مش كفاية)
هو بقى في عمر باقي تاخده مني (آه)
ربنا يسامحك وعلى جرحك يعيني (آه)
شيلت ذنبي وذنبي في رقبتك لكني
غصب عني كتير دعيتلك بالهداية (بالهداية)
مش كفاية (مش كفاية)
هو بقى في عمر باقي تاخده مني (تاخده مني)
ربنا يسامحك وعلى جرحك يعيني (آه)
شيلت ذنبي وذنبي في رقبتك لكني
غصب عني كتير دعيتلك بالهداية