[المقدمة]
مجنون، مجنون
مجنون أنا
مجنون، مجنون
مجنون أنا

[المقطع الأول]
وهو جنبي
بنتخانق كتير أوي
ما بطيقش نفسي
وببقى نفسي نبعد وكل واحد في حاله
وبتهون عليا العشرة وأقول طيب وماله
أنا أقدر على بعده
فهو يبعد
تنزل دموعي وألوم في نفسي
ليه قلت يبعد
وأرجع في كل قرار أخدته من ناحيته
بلاقيني فجأة محتاج لحضنه حنيته
آه ولا بقدر على بعده

[اللازمة]
وده يطلع إيه
كل اللي فيه دلوقت أنا
طب أعمل إيه
إحساس وعكسه وبحسه أنا
أنا مش قادر ولا يوم أكمل معاه
ولا أعيش من غير هواه
ده أكيد مجنون أنا (مجنون)
وده يطلع إيه
كل اللي فيه دلوقت أنا
طب أعمل إيه
إحساس وعكسه وبحسه أنا
أنا مش قادر ولا يوم أكمل معاه
ولا أعيش من غير هواه
ده أكيد مجنون أنا
[فاصل موسيقي]

[المقطع الثاني]
يغير عليا
أقول في سري يادي بقى
من الخنقة ديا
وأروح أشوف حد أشتكيله من اللي حواليا
يهملني هو وأرجع وأموت من الحركة ديا
آه وأسأل في نفسي ليه هو مش مهتم بيا
وأقعد وأقول أنا نفسي حد يغير عليا
أنا إتأكدت إن اللي أنا فيه دي مشكلة فيا
أنا اللي مش عارف عايز إيه والعيب عليا
آه أنا أستاهل الحيرة دي

[اللازمة]
وده يطلع إيه
طب أعمل إيه
إحساس وعكسه وبحسه أنا
أنا مش قادر ولا يوم أكمل معاه
ولا أعيش من غير هواه
ده أكيد مجنون أنا (مجنون)