[المقطع الاول]
كان قلبي سارقه شعور جديد
والعين ما بتبُصش بعيد
واللي إستنيته وما لقيتهوش
وأنا يومها عمري مالوش نهار
بدفع سنين تمن إختيار ما حسبتهوش، ما حسبتهوش
غلطان أنا غلطان عشان رسمت بُكرة بعين زمان
وقت ما شفت الصح ما لقتلوش مكان

[اللازمة]
يا، يا حلمي الغايب اللي ما جاش
خدعني الحاضر اللي إتعاش
ومشاني في طريق، وبوعد إني ألاقيك فيه
يا قلبي كفاية ليه نازلين
نزيف أحلام وهدر سنين
ومين يضمن في عمر باقي نغامر بيه
يا حلمي الغايب اللي ما جاش
خدعني الحاضر اللي إتعاش
ومشاني في طريق، وبوعد إني ألاقيك فيه
يا قلبي كفاية ليه نازلين
نزيف أحلام وهدر سنين
ومين يضمن في عمر باقي نغامر بيه

[المقطع الثاني]
يا قلبي إنت فين، كفاياك سكوت
فرح الحياة عمال يفوت وما عيشناهوش، وما عيشناهوش
ليه قابل تكون عايش أسير
وفي عمرنا الجايات كثير لكن ما جوش، لكن ما جوش
وإزاي عينيا تلمح نور أو خُطا الأيام تدور
ومبني بيني وبينها سور
[اللازمة]
يا حلمي الغايب اللي ما جاش
خدعني الحاضر اللي إتعاش
ومشاني في طريق، وبوعد إني ألاقيك فيه
يا قلبي كفاية ليه نازلين
نزيف أحلام وهدر سنين
ومين يضمن في عمر باقي نغامر بيه
يا حلمي الغايب اللي ما جاش
خدعني الحاضر اللي إتعاش
ومشاني في طريق، وبوعد إني ألاقيك فيه
يا قلبي كفاية ليه نازلين
نزيف أحلام وهدر سنين
ومين يضمن في عمر باقي نغامر بيه