[المقطع الأول]
الساعة ستة صباحاً بردان ومتقل الهدوم
وفي قصر النيل بمشي نفسي وبفضي القلب من الهموم
والمشي عملت منه عادة وعملت لقلبي نسختين
بتعرف وحدي ع السعادة ومكمل مش عارف على فين؟

[اللازمة]
أنا رايح على فين؟
قلبي إتعبى حنين
والفاعل مجهول
وده مين؟
رص الڤتارين
بوشوش مبتسمين
بتقولي على طول

[المقطع الثاني]
هتلاقي الخطوة بإبتسامة بس اللي أنا شوفته كان كتير
عديت ما جرالي بالسلامة والماضي ده سر نام في بير
والصبر عملت منه قارب يتكسر أقلبه جناحين
والقلب معلق الكهارب والزفة هتصحي النايمين

[اللازمة]
أنا رايح على فين؟
قلبي إتعبى حنين
والفاعل مجهول
وده مين؟
رص الڤتارين
بوشوش مبتسمين
بتقولي على طول
[جسر]
شارع بيطلّع على شارع أيام بتودي لأيام
وما شفتش وصفه للتايه أحسن من المشي لقدام

[اللازمة]
فين؟
أنا رايح على فين؟
قلبي إتعبى حنين
والفاعل مجهول
وده مين؟
رص الڤتارين
بوشوش مبتسمين
بتقولي على طول
على فين؟
أنا رايح على فين؟
قلبي إتعبى حنين
والفاعل مجهول
وده مين؟
رص الڤتارين
بوشوش مبتسمين
بتقولي على طول