[المقدمة]
مالك مش باين ليه؟
قلبك تايه من مدة كبيرة
خايف تتكلم ليه؟
في عيونك حيرة وحكاوي كتيرة

[المقطع الأول]
متغير ياما عن زمان
قافل على قلبك البيبان
حبيت وفارقت كام مكان
عايش جواك
إحساسك كل يوم يقل
وتخطي وخطوتك تذل
من كتر ما أحبطوك تمل
فين تلقى دواك
بتودع حلم كل يوم
تستفرد بيك الهموم
وكله كوم والغربة كوم
والجرح كبير
ما بتديش حاجة إهتمام
أهلاً أهلاً سلام سلام
بقى طبعك قِلة الكلام
ومافيش تفسير

[اللازمة]
داري داري
يا قلبي مهما تداري
قصاد الناس حزننا مكشوف
وأهو عادي عادي
ما حدش في الدنيا دي
بيتعلق بشيء إلا وفُراقه يشوف
[المقطع الثاني]
كل اللي معاك في الصورة غاب
وطنك والأهل والصحاب
كام واحد ودع وساب
من غير أسباب
شايف في عينيك نظرة حنين
بتحن لمين ولا مين
طول عمرها ماشية السنين
والناس ركاب
مع دقة عقرب الساعات
بتموت جوانا ذكريات
عشّمنا قلوبنا باللي فات
ونسينا نعيش
كان مكتوب نمشي الطريق
ونفارق كل مدى شيء
إتسرق العمر بالبطيء
ورسي على مافيش

[اللازمة]
وداري داري
يا قلبي مهما تداري
قصاد الناس حزننا مكشوف
وأهو عادي عادي
ما حدش في الدنيا دي
بيتعلق بشيء إلا و فُراقه يشوف
[اللازمة]
داري داري
يا قلبي مهما تداري
قصاد الناس حزننا مكشوف
وأهو عادي عادي
ما حدش في الدنيا دي
بيتعلق بشيء إلا و فُراقه يشوف
وداري داري
يا قلبي مهما تداري
قصاد الناس حزننا مكشوف
وأهو عادي عادي
ما حدش في الدنيا دي
بيتعلق بشيء إلا و فُراقه يشوف