Hamza Namira - حمزة نمرة
Estanno Shewaya - إستنوا شوية
[المقطع الأول]
هاتلي قعدة فيها إتنين
فضلوا مع بعض الإتنين
كله في الآخر هيفارق
دي حقيقة مؤكدة
كلها أحضان مطارات
وفي حياة بعضنا فترات
في الطريق مواعيد فراقنا
من زمان متحددة

[المقطع الثاني]
وأدفع نص عمري
وترجع تاني ضهري
وتفضل بس جنبي
لايمها يا فراق بقى
وأدفع عمري كله
وألاقي حد أروحله
يشيل مع قلبي حمله
وياه لو أقسم الأيام معاه

[اللازمة]
إحنا لوحدينا يا عيني علينا
خليكوا قاعدين
طب كنتوا إستنوا معانا شوية
ما إنتوش ماشيين
إحنا لوحدينا يا عيني علينا
خليكوا قاعدين
طب كنتوا إستنوا معانا شوية
ما إنتوش ماشيين
[المقطع الثالث]
نفسي نشبع من الغاليين
نفسي لو يفضلوا قاعدين
كله بيروح ويفارق
دي حقيقة مؤكدة
قولنا بدري على المرواح
قالوا الوقت بيجري وراح
قولنا في أماكن تتراح
بس هل هنروح سوا؟

[المقطع الرابع]
دي حقايق صعبة ممكن
هنعيش بوجعنا يمكن
ومافيش ولا شيء يهون
ثانية واحدة في بعدنا
وإزاي هنلاقي غيركم؟
هو إحنا شبعنا منكم
ما إحناش قادرين نسيبكم
ياه لو مرة تنصفنا الحياة

[اللازمة]
إحنا لوحدينا يا عيني علينا
خليكوا قاعدين
طب كنتوا إستنوا معانا شوية
ما إنتوش ماشيين
إحنا لوحدينا يا عيني علينا
خليكوا قاعدين
طب كنتوا إستنوا معانا شوية
ما إنتوش ماشيين