[Omar :المقدمة]
عايش وحيد، في عالم عنيد، لا ماسمعني
في موهبتي فريد، لكن مافيش، من شجعني
ماشي في طريق، حلمي البعيد
و الكل يحاول يَمنعني
؟] حتى لو مافيش، مِن يسمعني]

[Brown Suqar :المقطع الأول]
تقاليد و عادات، و المجتمع الدين فات
مش معقول العقل بين الناس مهبول
سميه غريب، سميه مجهول
مغلول بيقول
ممكن يكون إيجابي و غيره سلبي و تحت نفس الراية
المختلف يَختلف لكن مايقدرش يُفرض رايه
صحي و صحيح يعني نشاز
لازم مايطيح، خاسر لو فاز
مُعرض للنقض، طمس، استفزاز
إعجاز، حتى كان موهبته إنجاز
علاش؟ تبوا تعيشونا في جحيم
ثقافة تعتيم، أسلوبها تحطيم
هكي تبونا لا علم لا دين
عارٌ علينا إن فعلنا عظيم
عندي مواهب، ذهب مش خشب
الفنون و الأدب، عندي شيء مُكتسب
قلمي كتب، كلام عجب
كلٌ من قرأه اكتآب
Hip Hop Vols
إيقاعي انقلب
Rise and falls
كلامي سكب
موضوعي صعب
بينافسني، خاف ارتعب
هذا الشيء اللي اللي نبدع فيه بدون تعب
راضي ان نكون يبرة في كومة قش
نتنفس فنون ترويني من العطش
تي عادي مهبول و حتى مختش
كلامي يبي عقول تفهم اش
ماتناقش، لو مافهمتش
كان ماقريتش، ماتعلمتش
حكمت عليا ولا ماحكمتش
موهوب غريب صلب مش هش
[Omar :اللازمة]

[ILLMad :المقطع الثاني]
اني مخزن للمواهب، متحف للنوادر، قطعة من الألماس مدفونة بين أحجار
برا لف العالم، دور و سافر، صدقني ماتلقاش مني زوز انفار
بسبب اختلاف، عليا النقد كاثر
مِن كلام الناس ياما ذُقت مرار
سمعت كلام مُهين و نقد ساخر
ياساتر، علاش هالإستحقار
خنقوني بالحس، موهبتي تنفست
نبض طموحي، مع البيئة ترافست
بشرف علي القمة نافست
زادوا في التحدي، اني زدت تحمست
و انكمل في طريقي، نحارب لقضيتي
معاي كل مبدع ليبي، ابداعه ماشافوش
غريبة شخصيتي، ابداعي في تعقيدي
هوايتي هويتي، مش معدن مغشوش
لكن الناس بالمظهر حاكمين
ماحد قيمتنا عرف
شوف فنان قدام جمهوره عليه هازيين
بكّاهم لمّا عزف
لاعب واحد تميّز بين كل اللاعبين
وين بمهارته الكورة خطف
رانا غرباء و طموحنا بلا سقف
و حتى كان الحظ في وجوهنا وقف
تلقى اللي يعاود و يحاول مِن ثاني
و اللي يقوي قلبه، صدقني ما يخيب
يتبهدل، يتمرمد، يعاني، تي عادي ماهو لكل مجتهد نصيب
و حتى أني واثق مافيش شيء مجاني، بش نوصل لمكاني حندير شيء عجيب
متوكل علي ربي، قاعد منه قريب
حتى لو قالوا غريب
[Omar :الخاتمة]