[المقطع الأول]
في الأول وأنا لسه بعيد
كان بيقول أشعار فيا
صوت ضحكتي كان أغنية
واللي بيلفت نظره لواحدة
إنها ع الدنيا قوية
في الأول وأنا لسه بعيد
كان بيحب إني ذكية
مهما ألبس حلو عليا
قالي ما شفتش زيك واحدة
وما حدش يشبه ليا

[اللازمة]
بعد ما طالني وخد قلبي ما بقاش مرتاح
فضل الحلو يقل يقل لحد ما راح
فجأة كلامه إتغير عني وميزاتي إتقلبت لعيوب
أتاريه كان بيقرب مني علشان الممنوع مرغوب
بعد ما طالني وخد قلبي ما بقاش مرتاح
فضل الحلو يقل يقل لحد ما راح
فجأة كلامه إتغير عني وميزاتي إتقلبت لعيوب
أتاريه كان بيقرب مني علشان الممنوع مرغوب

[المقطع الثاني]
في الأول كان حلم جميل
وقت ما كان بيقربلي
قبل ما بطلب يتجابلي
قال إن أنا أجمل أمنية
وما حبش أبداً قبلي
في الآخر بقى حملي تقيل
واللي الأول كان شاده
بقى مش عاجبه وبقى ضده
حتى جمالي وسحر عينيا
بقى مش حلو وعلى قده
[اللازمة]
بعد ما طالني وخد قلبي ما بقاش مرتاح
فضل الحلو يقل يقل لحد ما راح
فجأة كلامه إتغير عني وميزاتي إتقلبت لعيوب
أتاريه كان بيقرب مني علشان الممنوع مرغوب
بعد ما طالني وخد قلبي ما بقاش مرتاح
فضل الحلو يقل يقل لحد ما راح
فجأة كلامه إتغير عني وميزاتي إتقلبت لعيوب
أتاريه كان بيقرب مني علشان الممنوع مرغوب