Welcome to MyBunny.TV - Your Gateway to Unlimited Entertainment!
Enjoy 6,000+ Premium HD Channels, thousands of movies & series, and experience lightning-fast instant activation.
Reliable, stable, and built for the ultimate streaming experience - no hassles, just entertainment!
Join the fastest growing IPTV community today and discover why everyone is switching to MyBunny.TV!
Start Watching Now
Geoffrey Chaucer
The Merchant’s Prologue (in Middle English)
The Prologe of the Marchantes Tale
"Wepyng and waylyng, care and oother sorwe
I knowe ynogh, on even and a-morwe,"
Quod the marchant, "and so doon other mo
That wedded been. I trowe that it be so,
For wel I woot it fareth so with me.
I have a wyf, the worste that may be;
For thogh the feend to hire ycoupled were,
She sholde hym overmacche, I dar wel swere.
What sholde I yow reherce in special
Hir hye malice? She is a shrewe at al.
Ther is a long and large difference
Bitwix Grisildis grete pacience
And of my wyf the passyng crueltee.
Were I unbounden, also moot I thee!
I wolde nevere eft comen in the snare.
We wedded men lyven in sorwe and care.
Assaye whoso wole, and he shal fynde
That I seye sooth, by Seint Thomas of Ynde,
As for the moore part - I sey nat alle.
God shilde that it sholde so bifalle!
A! goode sire hoost, I have ywedded bee
Thise monthes two, and moore nat, pardee;
And yet, I trowe, he that al his lyve
Wyflees hath been, though that men wolde him ryve
Unto the herte, ne koude in no manere
Tellen so muchel sorwe as I now heere
Koude tellen of my wyves cursednesse!"
Now," quod oure hoost, "Marchaunt, so God yow blesse,
Syn ye so muchel knowen of that art
Ful hertely I pray yow telle us part."
"Gladly," quod he, "but of myn owene soore,
For soory herte, I telle may namoore."