[Verse 1]
Pagmasdan ang ulan, unti-unting pumapatak
Sa mga halama't mga bulaklak
Pagmasdan ang dilim, unti-unting bumabalot
Sa buong paligid t'wing umuulan
Kasabay ng ulan, bumubuhos ang iyong ganda
Kasabay rin ng hanging kumakanta
Maaari bang 'wag ka nang
Sa piling ko'y lumisan pa?
Hanggang ang hangi't ula'y tumila na

[Chorus]
Buhos na ulan aking mundo'y lunuring tuluyan
Tulad ng pag-agos mo
'Di mapipigil ang puso kong nagliliyab
Pag-ibig ko'y umaapaw
Damdamin ko'y humihiyaw sa tuwa
Tuwing umuulan at kapiling ka

[Verse 2]
Pagmasdan ang ulan, unti-unting tumitila
Ikaw ri'y magpapaalam na, oh
Maaari bang minsan pa
Mahagkan ka't maiduyan pa?
Sakbibi ka't ulan lamang ang saksi
[Chorus]
Minsan pa ulan bumuhos ka, 'wag nang tumigil pa
Hatid mo ma'y bagyo
Dalangin ito ng puso kong sumasamo
Pag-ibig ko'y umaapaw
Damdamin ko'y humihiyaw sa tuwa
Tuwing umuulan at kapiling ka

[Bridge]
Maaari bang minsan pa
Mahagkan ka't maiduyan pa?
Sa tubig at ulan lamang ang saksi

[Chorus]
Buhos na ulan aking mundo'y lunuring tuluyan
Tulad ng pag-agos mo
'Di mapipigil ang puso kong nagliliyab
Pag-ibig ko'y umaapaw
Damdamin ko'y humihiyaw sa tuwa
Tuwing umuulan at kapiling ka
Minsan pa ulan bumuhos ka, 'wag nang tumigil pa
Hatid mo ma'y bagyo
Dalangin ito ng puso kong sumasamo
Pag-ibig ko'y umaapaw
Damdamin ko'y humihiyaw sa tuwa
Tuwing umuulan at kapiling ka