[المقطع الأول]
جالنا ناس بيفرحونا وأما نزعل بيشوفونا
مالنا مش بيسمعونا كلام يزود همنا
قلبهم بيحس بينا، وقتهم دا كله لينا
حتى في غيرتهم علينا غيرة تفتح نفسنا

[اللازمة]
دا إحنا كان مضحوك علينا طول حياتنا يا جدع
كان بيتنكد علينا وفهمونا دا الدلع
يجوا ويشوفوا الهنا ولا ما يجوش بالسلامة
حد بعد ما يلقى راحته يفتكر تاني الوجع
دا إحنا كان مضحوك علينا
أيوه كان مضحوك علينا طول حياتنا يا جدع

[المقطع الثاني]
ناس بتطفي ناس وغيرها عايزة تديلك أخرها
واللي بينك واللي بينها كل يوم يحلى في عينيك
الحياة بتبعت هدايا للي بيصفوا النوايا
وإنت لما بقيت معايا
روحي رجعت تاني ليك

[اللازمة]
دا إحنا كان مضحوك علينا طول حياتنا يا جدع
كان بيتنكد علينا وفهمونا دا الدلع
يجوا ويشوفوا الهنا ولا ما يجوش بالسلامة
حد بعد ما يلقى راحته يفتكر تاني الوجع
دا إحنا كان مضحوك علينا
أيوه كان مضحوك علينا طول حياتنا يا جدع