[اللازمة]
يوم تلات، تلات بنات ندهوني
على البساط، بصات ياناس عجبوني
قعدة وإنبساط، غدا وعزموني
فتفتوا الفتافيت، وفتنوني
يوم تلات، تلات بنات ندهوني
على البساط، بصات ياناس عجبوني
قعدة وإنبساط، غدا وعزموني
فتفتوا الفتافيت وفتنوني

[المقطع الأول]
شكلها مؤامرة
أعشق السمرا ولا أعشق البيضا أم الخدود حمرا
الحياة حلوة ويا أم روح حلوة
كلهم حلوين جننوني
كل ما آجي أقوم، أقول خليني
منتهى الجمال، جُمال علي عيني
أمشي من المكان ده، إيه يمشيني
لمة الحلوين بتغريني

[المقطع الثاني]
شعرهم حرير يطير قدامي
صعب أشوف ده غير، غير في أحلامي
سحرهم خطير، يوصف إيه كلامي
يوم تلات وبكل أيامي
كل عود وعود أحلي من التاني
قلبي لم يعود ليا من تاني
كان في إيدي عود، قلت بيه أغاني
والصباح رباح يا اللي عجباني
[المقطع الثالث]
كلمة كلمتين، الليل قوام ليّل
عيشنا يوم جميل أحلي ما أتخيل
واحدة واحدة عليا بتميّل
لو هعيش عمري هنا قليل

[اللازمة]
يوم تلات، تلات بنات ندهوني
على البساط بصات ياناس عجبوني
قعدة وإنبساط، غدا وعزموني
فتفتوا الفتافيت وفتنوني