[اللازمة]
يا بنات، يا بنات، يا بنات
اللي ما خلفش بنات
ما شبعش من الحنية وما داقش الحلويات
حلوة الأيام في عينيا
علشان خلفت بنية
ولا شفت الأرض إتهدت ولا مالت الحيطة عليا
يا بنات، يا بنات، يا بنات
اللي ما خلفش بنات
ما شبعش من الحنية وما داقش الحلويات
حلوة الأيام في عينيا
علشان خلفت بنية
ولا شفت الأرض إتهدت ولا مالت الحيطة عليا

[المقطع الأول]
سقفوا وإرقصوا يا ولاد
الفرح مالوهش معاد
ضحكتها لما إتولدت بتكتر في الأعياد

[اللازمة]
يا بنات، يا بنات، يا بنات (آه يا بنات)
اللي ما خلفش بنات
ما شبعش من الحنية وما داقش الحلويات

[المقطع الثاني]
عصافير الجنة يا توتة
تعصرلك شهد التوتة
ترقصلك فوق شباكك وتزغرطلك زغروطة
من التورتة إديها فتفوتة
شيكولاتة بالبسكوتة
وناغيها يا حلوة ناغيها هتغنيلك ع النوتة
مش خايفة ليه من الزفة؟
من صغرك فاهمة وعارفة
عايزة الطرحة يا عروسة
من وإنتي يا دوب في اللفة
[اللازمة]
يا بنات، يا بنات، يا بنات (يا بنات)
اللي ما خلفش بنات
ما شبعش من الحنية وما داقش الحلويات
حلوة الأيام في عينيا (آه حلوة)
علشان خلفت بنية
ولا شفت الأرض إتهدت ولا مالت الحيطة عليا