[المقطع الأول]
مش دلوقت
بس أكيد هيجيلك وقت
وهتتمنى لو اللي ما بينا ما ضيعتوش
مش دلوقت
بس إفتكر إنت اللي بدأت
واللي بيبدأ الأيام ما بترحمهوش

[اللازمة]
أنا بعد ما أغيب
هتفوق ع الدنيا دي لوحدك وبطولك بس
أنا بعد ما أغيب
هتعيش زي الناس العايشة بالإسم وبس
على ناس تشبهلي وعلى صدفة
على ريحة يوم من أيامي
هتدور بعد ما أروح منك على أحلى ما فيك
هتخاف تطمن من غيري
طول ما إنت بعيد مش قدامي
هتحس بروحك مش عارف تتلم عليك

[المقطع الثاني]
شوفلك حضن
من دلوقتي يساع الحزن
والإحساس بالذنب اللي إنت ما تعرفهوش
شوفلك حضن
تجري عليه ساعة ما تحن
حضني حلفت عليك من يومها ما تدخلهوش
[اللازمة]
أنا بعد ما أغيب
هتفوق ع الدنيا دي لوحدك وبطولك بس
أنا بعد ما أغيب
هتعيش زي الناس العايشة بالإسم وبس
على ناس تشبهلي وعلى صدفة
على ريحة يوم من أيامي
هتدور بعد ما أروح منك على أحلى ما فيك
هتخاف تطمن من غيري
طول ما إنت بعيد مش قدامي
هتحس بروحك مش عارف تتلم عليك

[الخاتمة]
مش دلوقت
بس إفتكر إنت اللي بدأت
وهتتمنى لو اللي ما بينا ما ضيعتوش