[المقطع الأول]
إوعديني
لو زعلتي مرة مني تعرفيني
لو جرحتك غصب عني تحسسيني
ما تشليش جواكي حاجة
تحكي ليا كل حاجة
لما هفهم هبقى أحسن صدقيني
إوعديني
لو نسيت يا حبيبتي نفسي تفوقيني
لو خدتني الدنيا منك رجعيني
لو في لحظة زاد غروري
إشتكي لومي وثوري
بس إوعي في يوم تروحي وتسيبيني

[اللازمة]
إنتي قلبي وإنتي روحي وإنتي عيني
حد عايز أعيش معاه لآخر سنيني
إنتي بالنسبالي مش حب في حياتي
إنتي كل حياتي فعلاً إفهميني
إنتي قلبي وإنتي روحي وإنتي عيني
حد عايز أعيش معاه لآخر سنيني
إنتي بالنسبالي مش حب في حياتي
إنتي كل حياتي فعلاً إفهميني

[المقطع الثاني]
إوعديني
لو في يوم الخوف ملكني تطمنيني
لو ذكائي في مرة خاني تفهميني
لما أقسى في يوم تحني
وأما أغلط غصب عني
قبل ما أغلط غلطة تانية تلحقيني
إوعديني
لو يبيعني الكون بحاله تشتريني
تبقي أقرب مني ليا تكمليني
تبقي أختي تبقي أمي
تجري فيا جوة دمي
لما أكون تعبان تضمي وتداويني
[اللازمة]
إنتي قلبي وإنتي روحي وإنتي عيني
حد عايز أعيش معاه لآخر سنيني
إنتي بالنسبالي مش حب في حياتي
إنتي كل حياتي فعلاً إفهميني
إنتي قلبي وإنتي روحي وإنتي عيني
حد عايز أعيش معاه لآخر سنيني
إنتي بالنسبالي مش حب في حياتي
إنتي كل حياتي فعلاً إفهميني