[المقطع الأول]
دلوقتي حبيبتي أنا جنبك
من بعد ثواني هكون ليكي
فستانك أبيض لون قلبك
والدبلة بتنطق في إيديكي
إضحكي دي الصورة اللي فضلنا
أنا وإنتي سنين نحلم بيها
الصورة اللي هتفضل ذكرى
لحكاية حب هنحكيها

[اللازمة]
قربي شوفي نفسك في عنيّا شوفي حلوة إزاي
أجمل من كل اللي إتكتبوا عنهم أساطير
طولي في الحضن اللي هعيشلك فيه عمري الجاي
طولي ده أنا عندي كلام عنك لعنيكي كتير

[المقطع الثاني]
إيدي في إيديكي وأهي الغنوة
اللي إختارتيها أنا مش ناسي
أنا شايف فيكي سنين حلوة
في عنيكي لقيت أهلي وناسي
إيه أجمل من اللي معاكي شايفه
أحلم أنا ليه وبإيه تاني
إحساس الفرحة أنا مش عارفه
وأتاريكي لفرحتي واخذاني
[اللازمة]
قربي شوفي نفسك في عنيا شوفي حلوة إزاي
أجمل من كل اللي إتكتبوا عنهم أساطير
طولي في الحضن اللي هعيشلك فيه عمري الجاي
طولي ده أنا عندي كلام عنك لعنيكي كتير