[المقدمة: تومي]
عيني على عيونك ولا عيونك على حد
قولي مهما تقولي مش هتلاقي مني تاني
ولا دموع تنزل على الخد

[المقطع الأول: تومي]
وتشهد الليالي إنك كنتي على بالي
دلوقتي مش شاغلاني ولا حتى شاغل بالي
شاغل بالي بحالي، عشان حالي كان أحلالي
وإنتِ تروحي معاهم، روحي معاهم ماتجيش تاني
صدقت إحساسي
كدبتي أيامي وقولتي أناني
وإنتِ إخترتي تروحي تكوني لحد تاني
أنا هنساكي
كان بيننا صورة وذكرى وضحكة وإنتِ إخترتي تروحي بعيد

[المقطع الثاني: ليل نوبي]
ده إللي بيننا صوره
ذكريات في ماضي مع الوقت أنساها
لعبت دور بطولة
عمري كان قصادي في لحظه كان ورايا
حب كان مرايه، خدعه مالوش تمن
مع الوقت أنساكي مافيش رجوع تاني
قلبي كان أناني عدى ماضي وزمن
سنين تعدي ولو هنساها مانساش إللي كان وياها
مانساش إللي كان معاها مانساش إني شوفت دموع
كل مرة تزيد مسافة للأسف مافيش إجابة
والقصه مالهاش نهاية للأسف مافيش رجوع
مهما تقولي إني غلطان
لومي مهما تلومي
مش هتشوفي دمع عيوني
مهما تلفي مهما تدوري
قلبي وعقلي في صدام
والسبب كانت هي عيونك
مهما تقولي مش هتكوني
مهما تقولي مش هتعودي
[اللازمة: تومي]
عيني على عيونك ولا عيونك على حد
وأنا لو بدونك أو بوجودك هبقى حد
قولي مهما تقولي مش هتلاقي مني تاني
ولا دموع تنزل ع الخد

[المقطع الثالث: حسين]
العين بتشوف الأحسن منها وتحسدها
الحب كدبة واللي يعيشها بيكدبها
مش كل البشر زي بعض بـ ١٠٠ وش
والظاهر إن أنا غلطت ماكنتش بحسبها
أنا إللي عايش بتعلمني أخطائي
بدون أخطائي كنت فضلت في مكاني
بقول لنفسي دايمًا غدًا القاكي
بحاول أغير في المستقبل قدامي
متعود مابكيش مش بحزن على حد وعلى حاجة آذياني
ده الوقت إللي يروح مش هيرجع والشهر بقى يعدي ثواني
فـ يا قلبي مالوش لازمة إنك توجع وتفتح في قصص من تاني
ويا عقلي أبوس يدك تسمع هتفكر في الغير هتعاني

[الجسر: تومي]
مهما تقولي إني غلطان
لومي مهما تلومي
مش هتشوفي دمع عيوني
مهما تلفي مهما تدوري
قلبي وعقلي في إنصدام
والسبب كانت هي عيونك
مهما تقولي مش هتكوني
مهما تقولي مش هتعودي
[اللازمة: تومي]
عيني على عيونك ولا عيونك على حد
وأنا لو بدونك أو بوجودك هبقى حد
قولي مهما تقولي مش هتلاقي مني تاني
ولا دموع تنزل ع الخد