[المقدمة]
لو لبخت معايا وإنت فوق
ما تكلمنيش أما تفوق
ما تخلنيش أعمل مشغول
ما تقاوحش في المكتوب

[المقطع الأول]
أنا صياد، رامي الشبك على الأيام
ربي بيبعت من عنده ولا كإني في الأفلام
ما تكلمنيش، لو دمك فيه برشام
حتى ما تسألنيش الساعة كام
رغم إني جبت ساعة جديدة
قلبي مات، أنا ماكينة، أنا مدينة
جوايا حتت كتيرة
أنا نفسي ما أعرفش إزاي أخفيها
مش دلوقتي مش فاضي أما أبقى أجيلك
بجري على الأخضر ده زي النجيلة
ربك بيخلي أعدائك تفيدك
عمري ما بشوف الدنيا غريبة

[جسر]
الضربة القاضية
مكان الطابية
في الخانة الفاضية
آه
[المقطع الثاني]
لسه ما غيرنيش
لسه فيه شياطين
إزاي ده يبقى جناحك
وما طيركيش
سيبيني لوحدي أغرق
حواليا الميه كتير
إمسكي الهلب ده
إنتي اللي طايلة إرميه
أخيرًا
سابت إيدي، مسكت في الذخيرة

[المقطع الثالث]
بيو، بيو، بيو، بيو، بيو
خلصت على الكل، بقيت في الهو
لوحدي ومحلو
بغني والفراخ نفسها تعمل سِو سِو
بس بيكاكوا، ما فيش تراكم
اللي قدامكو إنكو تسيبوا اللي وراكو
ده تناقض برغم إني باباكو
أشتاقُ أني لا أراكو
كأخصام أخصام
عامل جو غطسان
بضحك على الأرصاد
من غير ما أديكو إنذار
بتمطر إصطادتك إصطادته
سميط بالرده إتفضل إتفضل وفرته
بس نسيت أجيب الشاحن والغطا والبالطو
بقيت لوحدي خالص واللي فضل منكو نفضته
جه يزن أخرته
وشك من خيالي ما بيمشيش، السور ما بيسندنيش
متشعلق في الذكرى ومش عايز أسيب
عند الذكرى وبسلت
وأنزل من غير ما أقسم
بينا ألف لا بأس وبسرد
قصة يأس وبسند
أنا متأسف، بفلت (بفلت)
[جسر]
ونزلت لتحت
ولقيتني إرتحت
النار بتقلب رماد
ما بترجعش لفحم

[اللازمة]
الساعة وقفت تمامًا
الشبك رجع خلى عينينا مليانة
قلبي صحي وسط الغاغة
ما بقيتش مدينة، دي غابة
صعب تفضل فيها بني آدم
الساعة وقفت تمامًا
الشبك رجع خلى عينينا مليانة
قلبي صحي وسط الغاغة
ما بقيتش مدينة، دي غابة
صعب تفضل فيها بني آدم