[المقدمة]
أسمع غناكي يرد فيا الروح
وأنده عليكي بصوتي مش مسموع
ماشي لطريق عارف ما منه رجوع
هوصل لفين ما أعرفش
وأنا أزمتي ما بهربش

[اللازمة]
بشوف وشك ليه في القهوة
وبسرح في السما السابعة
تاخدني عينيكي لمكاني
وأنسى همومي وألامي
وأحس معاكي من تاني
طريقك شايفه عِمياني
لكن الغريب أنا بعرفه باللمس

[المقطع الأول]
لأول مرة من عمري بحس بخوف
في سر في غيابك ما بفهمهوش
ليه حضنك أبعد من حدود الكون
واقف على أعتابك لأخر يوم
نسيانك ده ما أضمنهوش
صابر سنين تفصل ما بينا بلاد
زاد الحنين وقلبي كله حداد
وياك لفين وعمري لو يتعاد
لو باقي ثانية في عمري هستناك
طل من البرواز
ماليش عشم في غياب
ليه تفوتني وأنا مشتاق
وليه تفوتلي كاس أملاه
طل من البرواز
ماليش عشم في غياب
ليه تفوتني وأنا مشتاق
وليه تفوتلي كاس أملاه
[اللازمة]
بشوف وشك ليه في القهوة
وبسرح في السما السابعة
تاخدني عينيكي لمكاني
وأنسى همومي وألامي
وأحس معاكي من تاني
طريقك شايفه عِمياني
لكن الغريب أنا بعرفه باللمس

[المقطع الثاني]
شفت الدنيا بعيونك وضمتني
ليه سايباني لغيابك يموتني
وماليش الحق في عتابك ده شيء حتمي
وماليش غيرك حبيب دلوقتي يسمعني
نسيت كنت من قبلك بعيش إزاي
وماليش من بعدك مافيش يوم جاي
ده مافيش ثانية بتفارقيني ولما بنام
بغيب أرسم ملامحك حتى في الأحلام

[المقطع الثالث]
بقى ده اللي وصلنا ليه يعني
تروح روحي وترجعلي
عيونك لو تضيعني
أنا راضي باللي ترضالي
بقيت مش عارف أبقى أنا مين
ولا فارق بقيت أنا فين
مافيش غير حل من الإتنين
تعيش فيا يا أموت أنا فيك
ده اللي وصلنا ليه يعني
تروح روحي وترجعلي
عيونك لو تضيعني
أنا راضي باللي ترضالي
بقيت مش عارف أبقى أنا مين
ولا فارق بقيت أنا فين
مافيش غير حل من الإتنين
تعيش فيا يا أموت أنا فيك
[اللازمة]
بشوف وشك ليه في القهوة
وبسرح في السما السابعة
تاخدني عينيكي لمكاني
وأنسى همومي وألامي
وأحس معاكي من تاني
طريقك شايفه عِمياني
لكن الغريب أنا بعرفه باللمس