[المقطع الاول]
خلصت خلاص
مفيش فرصة جديدة ولا فيه كلام تاني
دا حبك ياما غرقني وأذاني
في غفلة قلبي كان تايه وفوقته
رجعت لعقلي بفراقنا اللي جه في وقته

[اللازمة]
واعتبر مكانش حاجة بينا
وان عمرنا يوم ما اتقابلنا
من اللي عملته جيبت خلاص آخرنا
ماتحاولش تطلب السماح
ماتحاولش مالوش لازمة وكفاية
حبك صفحة كتبتلها النهاية
اه مبقيتش خلاص تفرق معايا
والله بقى يعوضني على اللي راح

[المقطع الثاني]
مات الاحساس
ولو عاللي مابينا زمان أنا نسيته
سوء إختيار ودفعت تمنه ووفيته
خدت القرار مبقاش بينا نصيب يجمع
وفات الوقت مهما تقولي ولا ينفع

[اللازمة]
واعتبر مكانش حاجة بينا
وان عمرنا يوم ما اتقابلنا
من اللي عملته جيبت خلاص آخرنا
ماتحاولش تطلب السماح
ماتحاولش مالوش لازمة وكفاية
حبك صفحة كتبتلها النهاية
اه مبقيتش خلاص تفرق معايا
والله بقى يعوضني على اللي راح