[Klam]
قلب دزاير لي تقطع كثر من لي تقيسو بلامال
La mer ياك غير في دزاير واحد ما بحّر و يخموا في
تسهر الليل تخمم تتكيف فلامارد
ربي يسهل عليك كل مايخلاص كوبلي شكون لي ضامن
راح لعقل مع الزهر مالاد مونتال
À la Montana Tony اخطوني حاب نخرج برا و تعيط
راك تبول في الرمل سينورمال يبقالو ؟؟؟
ماتنساش عشرة الكبار terrain يجي نهار تتبدل

[اللازمة ]
في دزاير رقّاص الساعة حابس غير حنا ندورو
في دزاير هوما اداو و الشعب ما يسال دورو
غير في دزاير صحاح كي صحتلنا الصحة برك
غير في دزاير لي الجيل الصاعد مورال هابط

[Icosium]
الحيط،عاطيني بوذنو و انا عاطيه بظهري
تاكل عليه يعاوني بلاك كاش مانبنوا
هنا نشوفوا للتحت واحد ماهو حابط
مالڥيد حكمتنا الدوخة المورال خابط
الدنيا طيحة و نوظة الطايح كثر مالنايض
كسر على السكر و خلي الحليب فايض
انا نحب لبلاد نهار رايس يقلع يجري
ماشي لكوڥروفول ڥيت يدخلك للدار بكري
[اللازمة ]

[Klam]
هنا يكوبيولك الطريق ياك مام لي قرا راو مڨاري
لعبنا مع دزاير پوكر راح رئيس قاع رانا بـ بكاري

[Icosium ]
يا نجري مور الدنيا يا تجرّي الوسواس
صغار بيها مبلية و البوليس عليها حواس

[Klam]
شحال نعياو و حنا نجريو ياك رام يحشولنا بالسپور
راك مقلق باش تروح اه الغربة تعلمك تصبر

[Icosium ]
غير فدزاير لي تشوف لعجب و كلش عادي
جايزين يحيا راي تموت الله يرحم بلادي

[اللازمة ]