[المقدمة]
أيوة، أنا السندال تامر قباري
بقولك إيه يا زعيم
اللي جت معاه بغلط من شبل في وشه إتخبط
ما فيش حد عويل في حد
شخبط ع الموضوع عشان ما فيش موضوع
هشش، عشان فيجو الدخلاوي يخش
فيجو الدخلاوي

[اللازمة]
يا اللي إفتكرت الحبسة موضة
يكفيك شر اللي جوة الأوضة
حديد ما بيحنش نهائي
وحيطان حزينة لونها سودا
على الحيطان كاتب رسالتي
لو مت هنا قولوا لأهلي
إني ما جيتش هنا بمزاجي
قولولهم إنه غصب عني

[المقطع الأول]
في بدايتي كنت شخص طيب
مع اللي مني كنت أوجب
ما ظلمتش حد، كنت حنين
مع الغريب قبل القريب
آخرتها قالوا ما عملش
وكمان كالعادة ما تشكرش
كرهوا الدنيا بحالها فيا
قالوا كلام وما حصلش
[المقطع الثاني]
غلبان وماشي جوة الحيط
وظيفة مرتبها بسيط
معيش أكمل الجمعية
إزاي يا ناس أفتحلي بيت؟
زقيت مع نفسي بشغلة تانية
ويا ريت يا عم فيها فايدة
بطلع من بيتي ع الفجرية
وبخشه تاني على تمانية

[المقطع الثالث]
جضيت خلاص وجبت آخري
من كتر الشيل وجعني ضهري
الدنيا دي مالهاش أمان
بتهد في اللي ماشي دغري
عملت موقف تحت بيتي
سمع في كل حتة صيتي
بقى تحت إيدي ناس وعدة
والمدمنين طوابير بتيجي

[المقطع الرابع]
لو تسمحيلي أمزمزيل
إني آخد رقم الجميل
في كلام في قلبي عايز أقوله
وبسرعة، مش هكون تقيل
بحبك ده بداية الحوار
ثانيًا دوبت بإختصار
طالب إيديكي في الحلال
ومن زمان واخد قرار
[المقطع الخامس]
أبويا شافني واقف ببيع
إتخض، قالي ليه تصيع؟
السكة دي آخرتها وحشة
واللي بيخش فيها يضيع
كبرت دماغي من كلامه
مشيت في ثانية من قدامه
كتر الفلوس عمت عينيا
وضميري نام مع اللي ناموا

[اللازمة]
بشوف الحب من الغريب
أما اللي مني كان ذئيب
راسم في وشي ضحكة عيرة
بلاش تكرهني، يا إبني عيب
ليه من جواك إنت قبيح؟
بصراحة قول، خليك صريح
عامل راسك براسي إزاي؟
من إمتى حديد زامل صفيح؟

[المقطع السادس]
ماليش في الدنيا دي سند
على نفسي بس بتسند
الدنيا دي غابة ومخيفة
هلزم أعيش فيها أسد
أنا جوة شارع مرشدين
كاميرات علينا مرشقين
في الأربعتاشر ركبوني
رايح لعالم المساجين
[اللازمة]
السجن جواه عيشة صعبة
غلطان يا اللي إنت فاكره لعبة
إسمعها مني، إسأل مجرب
بالظبط السجن زي الغربة
هنا دايرة الشغلة على جس
كل أما أنام يدوني حس
إتعلمت إني أنام ماسيط
واللي يزاولني ده بيتطس

[الخاتمة]
ما تجيش يا باي معانا تلسع
قدامنا أي تبت يرجع
قليت مع حد فينا في يوم
من القلم وشك يطرقع
أنا السندال تامر قباري
عايش برجولة، ظبطت حالي
أخويا اللي بتشرف بيه
المحترم وليد قباري
المنتزة دولة عتاولة
معانا ممنوع المزاولة
إصحى لمساكن البحرية
ما بيخافوش غير من المولى
الرحال قباري مدير
فهمان، بيدرس التقدير
اللول مجدي رجولة أولى
مقامه في العالي وكبير
مقامه في العالي وكبير
ثابت وجوده أناس، فخامة
الدكش قباري الزعامة
الباشا هو عبده تامر
في أي جيهة حبايبه ياما
مينا البصل مينا الأدب
ما تجيش معانا بالجلب
أصغر ما فينا يصرف معاك
وفي وقتها هتتركب
وفي وقتها هتتركب
المسا للكينج نملة القائد
معروف برجولة، من الكبار
والچنتلة مروان تامر
ده رجولة نادرة، مش هزار
أخويا سمبل الرماح
تعامله تحس بإرتياح
وإبراهيم الفلسطيني
معاك على أي شيء متاح
علي مرعي ده الكينج النزيه
ونصيحة ليك ما تجيش عليه
سامح مرعي إسمه كفاية
في أي حتة هتلاقيه
أسطورة، عالي ع القطيع
دايمًا في الرد يكون سريع
هو أخويا حسن مرعي
ما بيزاملش جرابيع
مينا البصل دي أخطر أرض
فيها المغامر حمو سعد
أخويا مشرف نفسه بنفسه
عمره ما جه في دماغه حد
عمره ما جه في دماغه حد
الدكتور سيد أبو المعارف
حملة، مع أي حد صارف
كل اللي شفته جه ع السكة
شفته واقف قصاده خايف
كابونجا وجوده ده إضافة
قدامه تبطل الزرافة
فيجو الدخلاوي شبحنا فوق
أما البواقي في الكنافة
ديشا فتحي قلم الغلابة
يا محدثين خشوا الخرابة
وليد لمبادا والقناص
إداراتنا عالية بجد يابا