[المقدمة: إسلام كابونجا وكلوشة]
شبح العنبر المهجور
مسجون من أيام العبور
روح ونام يا شاويش
وخليها عليا
في إيه يا جدعان؟
هو كل واحد مسك سكينة عمل فيها صلاح الدين الأيوبي
مالك يابا إنت وهو؟
إنتوا أنتن من كيس الزبالة ألا
هشش، عشان فيجو الدخلاوي يخش
فيجو الدخلاوي

[المقطع الأول: إسلام كابونجا]
يا عم النسر عندي كابت
طلعني أتمشى في الطُرقة
دي أول قطفة وآخر سنة
أوعدك تاني مش هتشوفني
روح يا نبطشي قول للصول
وصل رسالة للمأمور
هقول كلام يهد السور
كل العنابر تستمعلي
كل العنابر تستمعلي

[اللازمة: كلوشة]
عنبر، كل الوشوش تظهر
الصافي والأصفر
عنبر كله يحضر
سكارتة وبكايتة
هنعيش ونقضي مدة، ما فيش
مسجون يسوق الطيش
روح ونام يا شاويش
وخليها عليا
[المقطع الثاني: إسلام كابونجا]
قاعد في مصلبي متزاول
حرقت علبتين سجاير
عشان بفكر في الزمايل
اللي ما جوش في يوم زيارة
واقف أخبط ع النضارة
بقول على الصحاب خسارة
حن الحديد فتحلي بابه
حبسوني من تاني بجدارة

[اللازمة: كلوشة وإسلام كابونجا]
تفجير، العجمي فيها أساطير
إبراهيم تيتو تقيل
شارع فضة تشكيل
ومربع موت
تدمير، هنا أبطال الهانوڤيل
شارع الخلفا الخطير
في نادي البرتقانة
قائد الأصول

[المقطع الثالث: إسلام كابونجا]
أنا القتيل مش النزيل
صاحب الكل وماليش زميل
السجن خلاني خطير
بقيت مسجل عقبية
حفرت على كتفي أمي
ودقيت نسر يحمي ضهري
رسمت نبض يسند قلبي
مقطع كل عروق إيديا
[اللازمة: كلوشة]
مسجون، الله يكون في العون
من وسط ١٠٠ مليون
أطلع أنا الملعون
بحبسة أونطة
مبروك يا اللي صحابك حبسوك
تعالى ونس أخوك
ده لو طالوك ياكلوك
ما تنشف أفردة

[المقطع الرابع: إسلام كابونجا]
هو يا عم الحكم نافذ
بيني وبين الأسفلت حاجز
من أول قطفة بقيت مشاكس
والطيب إتحول شيطان
تفيت مواس، شربت جاز
بتاع عراك، خصمت ناس
طلعت من جسمي الرصاص
ما بجيبش راجع مهما كان

[اللازمة: كلوشة]
تفخيد، طرة على طرف الخيط
الضربة تقطع إيد
تنفيذ، ما فيش تكريت
السجن حلبة
تبويطة، سنوا معالق ع الحيطة
والكل ظاط في الزيطة
كل الأجسام خريطة
في آخر الجولة
[المقطع الخامس: إسلام كابونجا]
شبح العنبر المهجور
مسجون من أيام العبور
أسد وحبسوه النسور
خلوني غول بقلب جاحد
ده حكم النفس حاجة وحشة
وأنا عيني عامية وودني طرشة
لا بخاف من حد ولا بخشى
أنا لومانجي، شاب فاقد

[اللازمة: كلوشة]
مساجين، عايشين ومش عايشين
ياما في السجون مظاليم
حكم النفس المهين
دمر حياتهم
ده جحيم، خلى النضاف شياطين
يا حكومة ما فيش يمين
مين ماشيين في السليم
وأنا أمشي في ديلهم

[المقطع السادس: إسلام كابونجا]
أدارجي، واد بتاع دكن
مطروش وبرفع بالمكن
فاقد ودايمًا بتسجن
لأجل إني جدع قلبي صافي
صايع، فهمان، مش بنجلي
عفريت، شيطاني مفتري
لسه ما شفتوش أولي
وكله قال أنا مكتفي

[الخاتمة: إسلام كابونجا]
حمو العيسوي الأخ النزيه
أخويا ده وأموت عليه
حمو عيسوي أصل النزاهة
چنتل يا ناس، قلبه رميه
مازن السلحدار مشاكس
فارس بيندب أي فارس
مينا البصل، مينا الرجولة
عبده الدنچر عليكوا تارس
باشوات، شارع فضة البابات
العجمي دي الإدارات
الكينج حمو عماد
ده مشرف دايرتنا
سندال، واحد لوحده مجال
يعني بلال الأڤاتار
في عراكه يضرب نار
ما تجوش على سكتنا
مؤمن ضباشة ياض ده وحش
ما تتحدفش، ما تبوقش
هتاخد ضربة بوم طرش
أخصامه دمهم حلال
ونادر برتقانة جن
يمسك سلاح تجيبوا دم
إبراهيم تيتو لو هجم
هيقوم عليكم الزلزال
مطاريش، في الحرب ما نجليش
على خطوة ورا ما نجيش
حمو السنوسي لو جيش
لوحده يحاربهم
في جهتنا، الفرحة يابا فرحتنا
متولي عيسوي عريسنا
وحسن فضة فارسنا
ربنا يحرسهم
المسا من حمو عماد
لحسن فضة المسايات
شارع فضة على الثبات
الشغلة في البوابة خالصة
ديشا المصري كتب الكلام
كابونجا ع المجال راكب
كلوشة علمكوا الأدب
فيجو الدخلاوي إداكوا حس
لمبادا ياض ده إدارة شاطرة