[المقطع الأول]
أنا وحيدة
ده أنا من كتر ما جرالي
بيصعب حالي على حالي
ومش عارفة منين جاية ورايحة لفين
أنا ضعيفة
ليالي الوحدة دي مخيفة
حياتي مملة وسخيفة
في نفس الدايرة أنا ماشية بقالي سنين

[اللازمة]
بنام بس الوجع صاحي
ومين بيحس بجراحي
لإمتى يا قلبي هتخبي
وإمتى يا روحي ترتاحي
وجاية دنيتي عليا ومنسية
ساعات ببكي وأنا بغني
ويسرح بيا تفكيري
بطمني وبحضني
ما أنا أصلي ماليش غيري
وبمسح دمعة في عينيا بإيديا

[المقطع الثاني]
ومش فارق
بقابل ياما وبفارق
ملامح بكرة مش ثابت
بقيت حتى ما بحلمشي في يوم أرتاح
وموعودة
بتعبي وخوفي موعودة
حياتي كإنها أوضة
تبان جنة لكن بابها مالوش مفتاح
[اللازمة]
بنام بس الوجع صاحي
ومين بيحس بجراحي
لإمتى يا قلبي هتخبي
وإمتى يا روحي ترتاحي
وجاية دنيتي عليا ومنسية
ساعات ببكي وأنا بغني
ويسرح بيا تفكيري
بطمني وبحضني
ما أنا أصلي ماليش غيري
وبمسح دمعة في عينيا بإيديا