[Bənd 1]
Mən indi intihar kimiyəm, boğazda kəndir tək
Zənciri çək, aramızdakı bağlar ən titrək
Ən kövrək düyünlərdir, mən indi dərd kimiyəm
Bu günlərdə şeytanla bağlanmış şərt kimiyəm

Sürgünlərdə sevgini pisləmə, sarışın
Ruhum tanrıya qalxır, bədənim sistemə qarışır
Məndən istəmə, barışım, deyilib dəlixanada
Beynimi yuya bilmədilər, meyitim ölüxanada

Hisslər də ölüb o vaxtdan, məncə, tanımalı ‘’морг’’u
Bizə tünd çay gətir, iki dilim albalı piroqu
Oturaq izləməyə, yandır bizi kömür oduna
Siqareti bir-birinə calayan dodaq dönür oduna

Mənsiz neçə yatağın soyuq qalıb, dəqiqləşdir
Sevgim canavar kimi əhliləşmir
Bir də ki olub olanlar, olmayanlar hərdən olub
Qabıqdan çıxan bədənlər indi dəridən olub

[Nəqərat]
Oxu mənə ölüm marşı, dünyaya dönüm qarşı
Bu, elə həmin yuxudur, bu, elə o yuxudur, qorx
Gözlərim oyuqdur çox, sənin də sönüb baxışın
Sevdiyin soyuq havalardan, inan ki, soyuqdur ‘’морг’’
Oxu mənə ölüm marşı, dünyaya dönüm qarşı
Bu, elə həmin yuxudur, bu, elə o yuxudur, qorx
Gözlərim oyuqdur çox, sənin də sönüb baxışın
Sevdiyin soyuq havalardan, inan ki, soyuqdur ‘’морг’’

[Bənd 2]
Mən indi edam kimiyəm, gözləyir dar ağacı
Dala qaçım, tapın, söndürün həyat sayğacın
Ayaq açın, yerdən bezən günlərdə aya qaçın
Və bir də davasını aparın ulduz, ay, xaçın

Ay Laçın, gözləmir yolunu anan
Ağlamır daha bacın, 23 təqvim dəyişib
Növbəti sayın açın, uğrunda ölən azdır
Mən indi tənhalığam, gedən çoxdur, gələn azdır

Və bir də görən qazdı qəbirləri, ‘’морг’’u gəlib basdı
Abidə Orxon Yenisey, həyatım morze əlifbası
Yıxılana gülürsünüz, siz guya səhv getmədiniz
Allahı çağırdınız, yanına getməyə cəhd etmədiniz

İman dediyiniz mücərrəd, məndə inam qalar
Tanrı mənə olmadığını özü desə belə, inanmaram
Bizim məclis bir də, yəqin, göylərdə yaranar
Səmazən, Qarğa, İyirminci kalibr, Canavar
[Nəqərat]
Oxu mənə ölüm marşı, dünyaya dönüm qarşı
Bu, elə həmin yuxudur, bu, elə o yuxudur, qorx
Gözlərim oyuqdur çox, sənin də sönüb baxışın
Sevdiyin soyuq havalardan, inan ki, soyuqdur ‘’морг’’

Oxu mənə ölüm marşı, dünyaya dönüm qarşı
Bu, elə həmin yuxudur, bu, elə o yuxudur, qorx
Gözlərim oyuqdur çox, sənin də sönüb baxışın
Sevdiyin soyuq havalardan, inan ki, soyuqdur ‘’морг’’

[Çıxış]
Gəl, de mənə...
Bizdə haradır cərgələr?
Bura ‘’морг’’
Yenə də həmin xaraba döngələr

Gəl, de mənə...
Bizdə haradır cərgələr?
Bura ‘’морг’’
Yenə də həmin xaraba döngələr