[Bənd 1]
Həyatı cənnət sayanlara ölüm cəhənnəmdir
Ölüm “fast-food”, xərçəng, ya da sətəlcəmdir
Ölüm, ulduz xəstəliyi və ya plastik əməliyyatdır
Həyat 37, renessans, ya da klassik ədəbiyyatdır

Bura lövbəri salanlar üçün növbədir
Mənim üçün kişi kimi söz vermək elə tövbədir
Kimsə gedir şəxsiyyət olur, kim isə gəlir, olur
Dəli-dolu həyatınızın içində dəli dolu

[Bənd 2]
Karabin kimi!
Qafiyələr ruha toxuna, ya da vura cin kimi
Zirzəmidən yol axtarıram qaranlıq otaqlara
Nağılları kabus elədim qırmızı papaqlara

Saman altından yeriyən həmin suyu kəs
Ölüm intihar ola bilər, ya da sui-qəsd
Deyilərsə, içmə, deyil bu badə rəva
Geyinərsən nə badə, vəbadan əba

Mərhəba! Ətrafa səs yayıldı
Məclisdə Xaç atası, sən, bir də Əzrayıldır
Daimi əzablar içində vətən xaini
Xarabada diz çöküb oxuyar sonuncu ayini
[Bənd 3]
Ciyərlərinə tüstü dolar
Qadının kişidən yalnız əxlaqı üstün olar
Okaberin mətni cinayət, sətri qandır
Sarkazm, kinayə və ya qətliamdır

Mənə gələn hər fikir
Təbimdən düzülər mətnlərə qəlbimdən
Süzülər sətirlərə (gətir mənə)
Ən odlu silahı gətir mənə

Cümlələr mərmidir, elə bil ətraf dərmə-deşik
Sözlərimə qulaq as, Adəm, almanı dərmə, eşit!
6 nəfər 70-lərdən şahiddir hərinə 5-i
Kəlmə eşir beyinləri, Karabin zərbə deşir

Laxladı qəlpələrim, rəqiblərim “knockout”da
Tanıyan bilir məni “MadHouse”dan, “Rap Out”dan
Vuraraq son akkordları, ölümün gözünə baxın
İnsan ölümə yaxın olanda ruhu önünə axır