[Giriş]
Memuarın başlığı sevinc, sonu kədər
Başlıqsız sətirlər ölümdən betər

[Bənd 1]
Onun otağı bəzədilib antik əşyalarla
Bu əşyaları dəyişməzdi o dünyalarla
Divarda patent əsərlər hər dövrə dair
Da Vinçi, Mikelancelo, Pikasso və sair

Poetik şair kitabları düzülüb rəflərə
Necə ki, notlar səliqə ilə düzülüb dəftərə
Bu panorama onun kiçik qalereyası
Burada səslənirdi pianoçunun hər ideyası

Otaqdakı pianinosu nostalji xatirə
Sanki səsləyir onu, yenə də şah əsər yarat
Həyatı aristokrat, özü pozitiv personaj
Me-motiv, otaqdakı peyzaj

Pianinonun üstünə lampa, tavanda plafon, abajur
‘’Primula’’, balaca fon, köhnə qrammofon
Qırağa düzülmüş ballar, stend tablolar
Rəsmlər, memoriallar

Bethoven, List, Çaykovski, Mozart, Bize
Jan Etyen Liotarın ‘’Şokolad paylayan qız’’ı
Bu patent rəsmlər, ‘’Ron Meliment’’ anlar
Onun ömrünə rəng qatan, orden və medallar
‘’Melodramik’’ həyatı, prestiji, perspektivi
Maestronun musiqi haqqında intuitivi
Məşhur pianoçunun əlindən neçə not süzülüb
Minlərlə əsər əlində can verib, ölüb

Sevimli pianinosu, klassik üslubda mebel
Stolun üstündə karandaş, vərəqlər, portfel
Çoxdan soyumuş qəlyan və bir qutu siqar
Və həyatını əks etdirən maraqlı memuar

[Keçid]
Memuarın başlığı sevinc, sonu kədər
Başlıqsız sətirlər ölümdən betər

[Bənd 2]
Onun otağında sanki görünür mimikası
Sanki hələ də eşidilir klassik lirikası
Həyatından epizodlar memuarında
İfalar və notlar repertuarında

Maestronun çəkdiyi həyat mənzərəsi
Göz qırpımı kimi örtülən həyat pəncərəsi
Musiqi təntənəsi, ‘’psicho’’ notlar yayılır
Harmoniyanın ahəngindən bəşəriyyət ayılır

Qəlbləri fəth edən jest və musiqi
Pianinoya olan sonsuz dərəcə sevgi
Tamamlayıcı ‘’smoking’’, aristokrat baxışlar
Hər ifanın sonunda zalı titrədən alqışlar
Tokkato "K Elize", ‘’24-cü kapriz’’
Hər bir dinləyici ürəyində dərin hiss
Və pianoçu ölməz sənəti ilə yaşayır
Hər bir not bu ağırlığı daşıyır

Yox cismi, ruhu do, re, mi , fa, sol, lya-da
O sevirdi, amma yox olub "İzolda"
Bütün həyatı sanki dövr eləyir otaqda
"Tristan İzolda", son sözü yataqda

Memuarın başlığı sevinc, sonu kədər
Başlıqsız sətirlər ölümdən betər
Yenə də səhnələr, pianoçu populyardır
Amma ona qalan bir otaq, bir də memuardır

[Çıxış]
Memuarın başlığı sevinc, sonu kədər
Başlıqsız sətirlər ölümdən betər
Yenə də səhnələr, pianoçu populyardır
Amma ona qalan bir otaq, bir də memuardır