[المقطع الأول]
أيوة بحن لماضي هجرني
وسنين عيشتها في حياتي
لما الصبح أمي تفطرني
ومناقرتي ويّا إخواتي
وأبويا لما يفكرني
بمذاكرتي وإمتحاناتي

[اللازمة]
كنا بنضحك نضحك ضحكة وصوتها يرن في بيتنا
فاكرة طفولتي وعيلتي والدفا والحب ولمتنا
كنا بنضحك نضحك ضحكة وصوتها يرن في بيتنا
فاكرة طفولتي وعيلتي والدفا والحب ولمتنا
أيام بعد ما ضاعت مني عرفت قيمتها
كنت في عالم فجأة لقيتني في عالم تاني

[المقطع الثاني]
الأيام عمالة تعدي
وأنا مش قادرة على حمولي
كل العالم واقف ضدي
وبواجه الدنيا بطولي
محتاجة لحب وللمسة إيد
من نفسي تاخدني لدنيا بعيد
محتاجة لحب وللمسة إيد
من نفسي تاخدني لدنيا بعيد
[اللازمة]
كنا بنضحك نضحك ضحكة وصوتها يرن في بيتنا
فاكرة طفولتي وعيلتي والدفا والحب ولمتنا
كنا بنضحك نضحك ضحكة وصوتها يرن في بيتنا
فاكرة طفولتي وعيلتي والدفا والحب ولمتنا
أيام بعد ما ضاعت مني عرفت قيمتها
أدفع عمري بحاله وأعيش يوم من دول تاني