[المقطع الأول]
هتشتاقوا لحضننا لما هتلاقوا
مافيش غيرنا اللي ريحكوا
مافيش غيركوا اللي جرّحنا
وفرحناكوا وما فرحنا
وحقنا جاي مطرحنا
وهتجونا بتشتاقوا
هتشتاقوا لحبنا لما هتلاقوا
مافيش غيرنا اللي فهموكوا
في صبرنا مين بيستحمل
واجهنا وقولنا هنكمل
وكل حبيب بيستعمل
في وقت الرد أخلاقه

[اللازمة]
ناسينكوا
وناسيين اللي كان وياكوا
وفاكرين اللي كان منكوا
ناسينكوا
وسايبين الزمان هو يفهمكوا
يعلّمكوا
ولما تجونا هنقفل حساب مفتوح
وهنخلص قديم وجديد كمان
كمان منكوا

[المقطع الثاني]
هتحتاروا وحبكوا قل مقداره
خسارة شوقنا كان غالي
عشان ما نكونش ظالمنكوا
هتيجو تشوفوا ده بعينكوا
ويبقى ربنا يعينكوا
ده كل فراق ليه أسراره
هتحتاروا تعيشوا الليل وأفكاره
وتسهروا زينا ليالي
وهتحسوا اللي بنحسوه
وعمركوا راح يضيع نصه
بتحاولوا يا عيني تنسوا
ولو شوفتونا تداروا
[اللازمة]
ناسينكوا
وناسيين اللي كان وياكوا
وفاكرين اللي كان منكوا
ناسينكوا (آه)
وسايبين الزمان هو يفهمكوا
يعلّمكوا
ولما تجونا هنقفل حساب مفتوح
وهنخلص قديم وجديد كمان
كمان منكوا