[المقطع الأول]
لسه فاكرة أيام الطفولة
كان في سنة تانية وأنا في سنة أولى
أيام عمري ما هنساها بسهولة
ولا يمكن هنسى الضحكة دي
وكلام عينيه كان بيناديني
وأجري عليه وأحضن إيديه
بنينا قصور على الرملة
عملنا في بعض مية عملة
وكنت بجد مش عاملة حساب يوم للسنين
وفي يوم وليلة غابت عينيه وبكيت عليه

[فاصل موسيقي]

[المقطع الثاني]
أيام عدى عليها سنين طويلة
سايبة فيا ذكريات جميلة
نرجع تاني حاجة مستحيلة
دي حكاية قديمة، بس الأكيد بشتاق إليه
وبحلم أشوفه لو مرة يوم، يوم ويروح بعيد
ولو بالصدفة يوم شافني، أكيد قلبه هيعرفني
ومن الدنيا هيخطفني بعنيه وهحس بيه
أحلام بريئة وخيال جميل أنا عايشة فيه
ولو بالصدفة يوم شافني، أكيد قلبه هيعرفني
ومن الدنيا هيخطفني بعنيه وهحس بيه
أحلام بريئة وخيال جميل أنا عايشة فيه