[عمر كمال و حسن شكوش]
سكر محلي محطوط على كريمة
كعبك محني والعود عليه القيمة
وتجيني تلاقيني لسه بخيري
مش هتبقي لغيري
ايوة انا غيري مفيش

[عمر كمال]
بنت الجيران شغلالي انا عينيا
وانا في المكان في خلق حواليا
مش عايز حد ياخد باله من اللي انا فيه
شوفت القمر سهرني لياليا
وهموت عليكي ربي العالم بيا
سيبي شباكك مفتوح ليا
ليه تقفليه

[حسن شكوش]
بهوايا انتي قاعدة معايا
عنيكي ليا مرايه
ياجمال مراية العين
خليكي لو هتمشي اناديكي
انتي ليا انا ليكي
احنا الاتنين قاطعين
تسيبيني اكره حياتي وسنيني
هتوه ومش هلاقيني
وهشرب خمور وحشيش
وتجيني تلاقيني لسه بخيري
مش هتبقي لغيري
ايوة انا غيري مفيش
[عمر كمال]
سكر محلي محطوط علي كريمة
كعبك محني والعود عليه القيمة
عليكي بصة تخلي العاقل مجنون
دوبتي قلبي بخطوة من رجلك
سحبتي روحي سابتني وراحتلك
انا بيكي وليكي ومعاكي
لازم اكون

[حسن شكوش]
شغلاني ومش هقولك تاني
طب الف حاجة وجعاني
بشوف عنيكي ارتاح
ياملاكي تروح حياتي فداكي
افضل وراكي وراكي
في اي مكان يتراح
بصيلي وهزي وسطك ميلي
سيبي عينك تحكيلي
اللي انتي مخبياه

[غير معلوم]
وقوليلي فهمتي ايه من عيني
وعلي السؤال جاوبيني
لو تحبيني قوليلي

[عمر كمال]
فهمتي عيني من قبل ماتكلم
مش عايز غيرك عليكي انا مصمم
عودك جمالك كل اللي فيكي يتحب
دمك خفيف وضحكتك شربات
زي العسل روحك يا حلاويات
علشان حبك محتاج لمليون قلب
علشان حبك محتاج لمليون قلب