[المقدمة]
Are you ready?
خد دي

[اللازمة]
أنا ماليش أكونت علي الفيس بوك إسمع من مكي
خلوا بالكم من اللي بيعمل فيسبوكه إنه فيس بوكي
حاول تحلقلوا تنفضلوا وفكك منه أو فكي
مهما قالك وحلفلك وبعتلك صورته أو صورتي
أنا ماليش أكونت علي الفيس بوك إسمع من مكي
خلوا بالكم من اللي بيعمل فيسبوكه إنه فيس بوكي
حاول تحلقلوا تنفضلوا وفكك منه أو فكي
مهما قالك وحلفلك وبعتلك صورته أو صورتي

[المقطع الوحيد]
نازل من البيت بالليل أجيب فول بيض زبادي وفينو
العشا الرسمي في مصر طبعاً كلنا عارفينه
قابلت واد فائد من الحتة وفقري وإسمه نينو
معمي ميه ودخان وبيهذي يخريب بيت سنينه
قالي ينفع يا مكي على الفيس بوك أعمل لك أد
أنا وأحمد معتز وطارق وبك بك وعماد
وإنت تنفضلنا التنفيضة السودة دي خد ياض
(إعمل لينا أد، إعمل لينا أد)
(مش مهم معتز وطارق المهم أنا وعماد)
قولتله يابني إنت بتهزي ولا بتتكلم جد
أنا من زمان بيني وبين الفيس بوك مية سد وسد
أخري كان الهاي فايف يمكن والأيسيكيو
هتقولي عندك فيس بوك هقولك دام يو
خدني من إيدي البيت ويوريني أصل الموضوع
قام فاتح الفيس بوك فلقيت تلاتين أكونت مصنوع
حطين صورتي وكتبين إسمي وعاملين نفسهم أنا
وكل واحد فيهم بيكلم ألاف في السنة
هموت وأعرف بيقولوا إيه للناس على لساني
دي حاجة تخوف ترعب حط نفسك (مكاني)
لسة مفوفتش من الصدمة قام نينو وراني حاجة تاني
فاتحلي على الفيس بوك فان بيج مية ألف فانز
كاتبين كلام جميل خلى قلبي مرفرف فرحان
شكراً لكل اللي كتب إن كان ليدي أو مان
ملحقتش أفرح راحت الفرحة بقيت قاعد غضبان
أصل لاحظت إن اللي عامل الصفحة عيل كتيان
متقمصني وبيتكلم زي دبور في فيلم مرجان
كبر جيهك روق ديهك إخبط دي يا مان
سلطاتك بابا غنوجك وإضربلك خابور كمان
ركزت قريت كل اللي كاتبه الواد ده لاقيته هباب
دخلت في لحظة كتبت لكل الصفحة ده واد نصاب
مسح اللي كاتبته بسرعة ورد وقال هو الكداب
فجأة الكل قفش كشر كان ناقص يرموني قبقاب
وبعتلي شتيمة عملي بلوك وطردني طرد كلاب
(يقطع النت علي النتيتة علي اللي عينتتوا عليه)
دورت أكتر ولقيت صفحات على النت بإسمي كتيره
كل لما أفتح صفحة ألاقيها مليانة فتاوي كبيرة
أخبار حصري على لساني أصله إداني التأشيرة
وعلاقتي بالناس دي زي علاقة الدولارات بالليرة
معرفش عنهم حاجة ولا حتى بتجمعنا الجيرة
ربنا يشفيهم دول ناس عيانة مش ناس شريرة
كل ساعة بتصريح متفبرك ليّا وكله حماسة
إيشي فن وإيشي أخبار شخصية وفتي في دين وسياسة
الأغرب إنى بلاقي ناس عقلة كبيرة وبتصدق
وبتاخد كل أخباري المكذوبة منهم وتفرق
والفتية بتفضل تكبر تنتشر تضخم تترستق
تتزوق تتروق تترقي لإشاعة وتتصدق
تاني يوم بلاقيها تتاكد أخبار فنية اتشل
فوقفت مع نفسي وقفة طويلة ولقيت الحل
قررت أعلن في أغنية إني مليش أكونت أو سايت
لو قابلك أي مكي على النت قوله جود نايت
[اللازمة]
أنا ماليش أكونت علي الفيس بوك إسمع من مكي
خلوا بالكم من اللي بيعمل فيسبوكه إنه فيس بوكي
حاول تحلقلوا تنفضلوا وفكك منه أو فكي
مهما قالك وحلفلك وبعتلك صورته أو صورتي
أنا ماليش أكونت علي الفيس بوك إسمع من مكي
خلوا بالكم من اللي بيعمل فيسبوكه إنه فيس بوكي
حاول تحلقلوا تنفضلوا وفكك منه أو فكي
مهما قالك وحلفلك وبعتلك صورته أو صورتي