[المقطع الأول]
نفسي أرجع أعيش يوم واحد من أيام زمان
أيام ما كان الواحد دايمًا حاسس بالأمان
بنعيش اليوم بيومه مش فاهمين غدر الزمان
صفحة أعمالنا لسه بيضا أحباب الرحمن
لسه ما فهمتش معنى الخبث معنى الخيانة
لسه ما فهمتش إنه فيه ناس سوسة وجبانة
ناس تطعن فيك من ضهرك وفي وشك تديك إبتسامة
(تطعن فيك من ضهرك وفي وشك تديك إبتسامة)
حتى الفلوس كانت بالنسبالي شوية ورق
عشان خاطر الفلوس إنسان قتل إنسان سرق
الناس بقت على الفلوس مسعورة وفي سبق
اللى سبق كل النبأ مثل صدق صدق
نفسي أرجع أنام على سريري بتاع زمان
أول ما كنت أحط راسي على المخدة انام
مش شايل هم، شايف كارتون حاسس سلام
دلوقتي النوم بيهرب من التفكير ومن الآلام

[اللازمة]
كان قلبي طيب أبيض ناعم من غير خدوش
إتحول غامق متجرح غريب وما أعرفوش
ببص في المراية ما فهمتش إيه الحكاية
إنسان بوش متشوه لابس ماسك البشوش
كان قلبي طيب أبيض ناعم من غير خدوش
إتحول غامق متجرح غريب وما أعرفوش
ببص في المراية ما فهمتش إيه الحكاية
إنسان بوش متشوه لابس ماسك البشوش
[المقطع الثاني]
كل لما بكبر حجم ذنوبي بيكبر
وأقول مش هذنب وأذنب أكتر وأكتر
كل لما بكبر جزء من وش الدنيا المتشوه يظهر
وأعدائي بتكتر وبتفضل أعدائك تكتر طول ما إنت بتكبر
أقرب ناس إليك هم أشرس أعدائك دي أفجر
وشي زادت خطوطه كشر وقلبي إتحجر
بطلت أحس زي الأول بقى صعب أتأثر
بطلت إني أضحك من قلبي بطلت أعرف أكركر
قيمة معنى الصراحة راحة ما تتحسبش
الناس كل لما بتكبر فوق وشوشها بتلبس وش
عشان الدنيا تمشي كله بينافق ويغش
لو تكره حد وهيفيدك، كرهك ليه ما تبينش
وأنا صغير لو كنت أحب حد أحضن وأبوس
ولو كاره لحد وشي بيبدأ في العبوس
فكرة إن اللي جوه غير بره مش في القاموس
كل اللي باين على المسرح هو اللي فى الكالوس
لسه فاكر لذة أول مرة فى كل حاجة
طول ما إنت بتكبر لذتك بتتقتل إعادة
وبتفضل تتقتل وبتتحول من رغبة لعادة
حلاوة طعم الإكتشاف تقلب لقهوة سادة

[اللازمة]
كان قلبي طيب أبيض ناعم من غير خدوش
إتحول غامق متجرح غريب وما أعرفوش
ببص في المراية ما فهمتش إيه الحكاية
إنسان بوش متشوه لابس ماسك البشوش
كان قلبي طيب أبيض ناعم من غير خدوش
إتحول غامق متجرح غريب وما أعرفوش
ببص في المراية ما فهمتش إيه الحكاية
إنسان بوش متشوه لابس ماسك البشوش
كان قلبي طيب أبيض ناعم من غير خدوش
إتحول غامق متجرح غريب وما أعرفوش
ببص في المراية ما فهمتش إيه الحكاية
إنسان بوش متشوه لابس ماسك البشوش
كان قلبي طيب أبيض ناعم من غير خدوش
إتحول غامق متجرح غريب وما أعرفوش
ببص في المراية ما فهمتش إيه الحكاية
إنسان بوش متشوه لابس ماسك البشوش
[الخاتمة]
أيام زمان
نفسي أرجع أعيش يوم واحد من أيام زمان