[المقدمة]
في يوم قاعد في كوفي شوب بشرب قھوة وسيجارة
سرحت قفلت عيني زرت ذكرياتي زيارة
سرحت في قد إيه الدنيا دي واطية وغدارة
وإن حب الناس تسعين في المية منه تجارة
وده مش كل اللي إفتكرته ده عصارة العصارة
أصل إفتكرت فترة ضعت فيھا ودقت خسارة
على رأي ست كبيرة في حتتنا الدنيا خيارة
إسمع مني الحدوتة دي وإفھم معنى العبارة

[المقطع]
شاب زي كتير شباب
طريقه مكسر مش باينله فيه غير الضباب
الإكتئاب صايده وناھشه نھش ديابة وكلاب
قرب يتجنن، ليه دايماً النتيجة سودا ھباب
ده أنا من صغر سني بسعى وباخد دايماً بالأسباب
كل أما أوصل لحاجة بتبعد زي السراب
تايه في دنيا سودا بيحكمھا قانون الغاب
راس مالي فيھا صحة وأمي وشوية صحاب
حتى الصحاب من الإكتئاب أغلبھم أدمن
تحت التراب مكانھم ﷲ يرحمھم وإتقفل الباب
صعب جدًا إحساس إنك إنت تدي تدي ومتلاقيش
وتكمل الطريق من غير أمل عليه تعيش
كل يوم زي اللى قبله شغلة شكل وما بتمشيش
إشتغلت كل حاجة كان ناقصني أكون شاويش
لحد ما إشتغلت في نادي فيديو وعشقت السيما
تاريخي عربي أجنبي حديثة أو قديمة
كل المطلوب إنك تعرف تحكي حدوتة
من كان يا مكان لحد كلمة توتة توتة
فكرة حكي الحدوتة في حد ذاتھا جت شدتني
جراب تاريخ حياتي مليان خبرات فادتني
كل اللى شوفته في طفولتي وفي شارعي حتة مني
درست سيما قلت أعبر عنھم بس بفني
أفلامي في المعھد كسبت في مصر وبرة مصر
قلت الحمدلله أخيراً دقت طعم نصر
وفعلاً أول ما إتخرجت رحت أخرج أول فيلم ليا
أصغر مخرج في مصر وفي كل الدول العربية
ﷲ، ده شكل الدنيا بتضحك ليا
ودعت الميكروباص وجبت لنفسي عربية
رحت إشتركت فى جولدز وسيبت أنا نادى الطالبية
ومن تلات صحاب بقوا ستين سبعين ومية
إضرب كمان في مية وإضرب كمان في مية
آمنت للدنيا وسلمت وقلت مية مية
ونسيت إن الدنيا دار إبتلاء ودي بلية
خدت الخازوق الصح وخوازيق الدنيا مغرية
نزل فيلمي فشل محدش شافه
أخدت صدمة إديتنى الدنيا ضھرها وشلوت وبوكس ولطمة
مولد وإتفض، محدش جوه قلبه رحمة
مش ممكن تعرف مين صاحبك بجد إﻻ في المحنة
رجعت حياتى أسوأ من الأول بعت العربية
والميكروباص أجرته زادت شوية
بمرور الوقت فلوسي طارت طارت وبقيت مديون
ما بقيتش عارف إيه تصنيفي عاقل أو مجنون
وفي يوم تعبت سخنت عرقت في السرير نمت
قالي الدكتور أوعاك يا إبني تزعل قلتله زعلت
ما أنا أصلي وقعت في كدابين الزفة ومنھم إتعلمت
في ناس تحبك وإنت عالي بس تسيبك لو وقعت
إتأثر الدكتور ساب الشنطة ومسح عينيه
بص في عينيا تايه مش عارف ھيرد بإيه
طبطب عليا وقالي فيه مثل قالوه زمان
صاحبك بجد اللي يفديك بنفسه في الطوفان
مش ھو بتاع القعدة الحلوة الضحكة والدخان
ضرب جرس بابي، فتحت لقيت صحاب زمان
صحاب أصيله جم يزوروا أخوھم العيان
ﷲ لما تحس إن حد ھمه أمرك
بيحبك من قلبه بجد مش مصلحته ھبرك
مش بيضحلك وھو بيحفرلك في قبرك
مش مھم كتر المعارف صاحب واحد أصلي أبرك
صحابي وقفوا جنبي طلعوني من ليل سرمد
الضربة الجامدة لو ما متش منھا تبقى أجمد