ناري ورمادي
زرعي وحصادي
ننزف وانا جلّادي
جرحي ومدادي
حزني وفؤادي
قرّبت وزاد بعادي
وكانو احلامي
بساط وغير قدامي
طارو كيف حمامي
وما ردولي سلامي
وجمعت حطامي
اللي بنيت بيه اصنامي
ومشيت فظلامي
وحداني فزحامي
بين الناس انا وحداني
ما بقيت نفهم حتى لساني
انا فمرايتي برّاني

انا المرتاح فعذابي
ونزيد السم فشرابي
انا اللي حربي فقلبي
كلّو ضرابي وعقلي ارهابي

ودعي يا يما
باش تزول الغمة
انتي النور اللي بقالي
والباقي غير ظلمة
وانا قلبي يا يما
قلبي فيه مجزرة
ومشاعر غـدّارة
كلّ مرة كارة
ناري ورمادي
زرعي وحصادي
ننزف وانا جلّادي
جرحي ومدادي
حزني وفؤادي
قرّبت وزاد بعادي

وكانو احلامي
بساط وغير قدامي
طارو كيف حمامي
وما ردولي سلامي
وجمعت حطامي
اللي بنيت بيه اصنامي
ومشيت فظلامي
وحداني فزحامي

انا الطير اللي قزّبت جناحي
انا المحبوس اللي ما بغيت نطلق سراحي
انا المجروح اللي كنتلذذ بجراحي
وانا الفنان اللي ترقصو على نواحي

ياك النيران نيراني
دخاني من بركاني
غني معايا على احزاني
وراسي اللي نساني
وقلبي اللي بكّاني
وانا القاضي والمحامي
واللي حكمت بإعدامي
حتى دوايا فسقامي نحب انفصامي
وعذابو فخصامي
ناري ورمادي
زرعي وحصادي
ننزف وانا جلّادي
جرحي ومدادي
حزني وفؤادي
قرّبت وزاد بعادي

وكانو احلامي
بساط وغير قدامي
طارو كيف حمامي
وما ردولي سلامي
وجمعت حطامي
اللي بنيت بيه اصنامي
ومشيت فظلامي
وحداني فزحامي