كان كيفى فى ساعة الصبحيه
انزل عالقهوه اللى فى حارتى
على ريحة الفول والطعميه
افطر واتمزج بسجارتى

اسلم على ناسى و اهلى
و اصبح على جارى و جارتى
الحلوه تشوفنى وتندهلى
مظبوطه ساعتها على ساعتى

اتمشى معاها ونتكلم
اضحك واحكيلها وتحكيلى
لحد الدنيا اما تضلم
اسكت فتقول طب غنيلى

اغنى فاشوف لمعة عينها
الاقيها تصلى وتدعيلى
اتوشوش كده بينى و بينها
عن سهر الحب ولياليه
وأطمن كل اللى شاغلها
منا صايع اصلى فى حواريه

تضحك وتقول عرفاك شاعر
تلعب بالكلمه و تفاصيلها
تسلك فى متاهه يا واد شاطر
تحبكها و ترجع تلايمها
انا اصلا مشكلتى فى عينها
تاخدنى بلاد و تودينى
وبلادى اللى انا اصلا منها
بايعانى و بتطلع عينى

انا اصلا مشكلتى فى عينها
تاخدنى بلاد و تودينى
وبلادى اللى انا اصلا منها
بايعانى و بتطلع عينى

سيبتك يا حبيبتى و سبتينى
وانا عاشق لسه بحنلها


محتاج تحضنى تخبينى

انا هرجع تانى على الحاره
لريحة الفول والطعميه
انا زى السمكه فى سناره

أرجع تاني على الحاره
لريحة الفول والطعميه
انا زي السمكه فى سناره
طلعت روحها بره المياه