المقطع الأول:
بلاد الموبيقات بلاد تحب الفاحشة
بلاد تعيش بالله و فنفس الوقت مستاحشة
بلاد العري يا برو بلاد الكذب و قول زور
بلاد الفسق و الشرور تحكمها يدين تتراعشا
بلاد شعندك شنو تكسب تو نقيمك
بلاد تطفي الضو معليش بالسترة كول قسيمك
تعيش راضي بالذل تصبر لين ربي يسهل
فبلاد لمراض لعلل بطل جيبها لصريمك
حكومة دور بين بلدان تكردي
فالزهومة حتى نوصل نبدل جردي
مالحومة قانون الغاب بالبونية بكردي
سو اليوم عامل تكساح جريان لفردي
يا مشومة يا بلاد تضوي عالبراني
قد ما فيك نذم حلال قد ما جهدي معاك عطاني
نسب جنسية فالزبلة نكب جملة نتأسف
مانيش مواطن تي فاطن مش كي الدمى نترصف
تحبوا تعيشوا وحدكم ؟؟
تحبّونا تحت القاعة نعطيو لذلّ كاروا
نجريو عل خبزة كل يوم نتحملوا الكشّة و اللوم
ننساو بعقاقر سموم على زوز فرنك طاروا
لا .. قلنا الموت و لا مذلّة بحياء
حقّي في كرشك يا مفسود يا زير النساء
يا لصّ يا معلّي لهوا يا مولا البنية الخايخة
حسابك مركون ما وفا ما تقول الخلق دايخة
غدوة مصير الحق راجع لصحابو
بلا ندوة لا مانيش لي تسخابوه
قدوة اني لردمت تحت ترابو
العبوة بين القصرين وبلاد دجابو
ربوة ، جبولة سهولة كل شي مالكين
فكيتو سماها وطاها بالله على شنوا معملين
قلي تحسب و تقلي يفضلي نفسي امارة
قانون شكون يوصلي الموت تقعد في يدي امرا
اللازمة:
دايرة ، الأيام وبما تدين تدان
سايرة وعملت الشر تتجازى ذنبو
زائرة دامتش مرة لمخلوق إنسان ؟
عاير مدام يلم ويحط بجنبو
جائرة الأحكام عليا و عليه تهوان
كرايرا رصات الناس إدمان يبمبو
حائرة الخلق من سي من ولد فلان
فايرة لقلوب باش ترصيلنا نكمبو

القطع الثاني:
شنوا إلي خذيتو منها بلاد القوم الفاجرة
شنوا تستنو من دولة حكمتها ماجرة
نشران الإثم والفسق تحت القانون الزاجرة
عمال يضيقوا علينا في الرزق بينا المتاجرة
تجري ماخلطت وكان لميت حفينة يتبعوك
تحيا مستور معاهم لا ، لازم يجوعك
ديمة محتاج وموسال ، سياسة لينا بش يحكموك
بلاد كان جا فيها الخير قبر رهو مخليلك بوك
دولة! وين الثروة وين خيراتها!
أولى تعدي البحر مش ديفواراتها
مفولة على الطحانة على عفاطها
ومطولة المزيرية مدام الناس رضاتها
متحولة الخلق صارت بين بعضها أعداء
مش مالفتنة تي منكم يا ناشرين الداء
مصاصين الدماء يا وكالين العروق
ياسبب الهرج والبلاء مصير إلي زرعتوا تذوق
كان فما إرهاب راهو انتوما راهو أمثالكم
يا صحاب الكراسي يا مبن يا عبيد مالكم
عمال تزيدو لقدام عمال وين تحشالكم
كان جات الدوم للحلام راهو متهني بالكم
جاية ؟؟ بالرسمي ثورة الحرافيش
مش بالتظاهر اللايك فرد و خراتيش
ثورة جواعا عالعيش مش احزاب معارضة
بش ينتفولكم الريش واذكا الساعة اش فارضة
فلوسكم ماعاد نفعة وقت القصاص
روسكم كانو فالبيت ما تمدو إفتراس
ننفوسكم أصل الداء من شرطة وحرس
ما نبوسكم مايد إن شارع شلاكة أديداس
راس براس يا نحيا يا نموت بقيمتي
شوفو قناص فماش ما طيحولي كليمتي
قلم قرطاس دولة الظلم هي غريمتي
اوس خلاص جبار ربي يفضلي ميمتي
اللازمة:
دايرة ، الأيام وبما تدين تدان
سايرة وعملت الشر تتجازى ذنبو
زائرة دامتش مرة لمخلوق إنسان ؟
عاير مدام يلم ويحط بجنبو
جائرة الأحكام عليا و عليه تهوان
كرايرا رصات الناس إدمان يبمبو
حائرة الخلق من سي من ولد فلان
فايرة لقلوب باش ترصيلنا نكمبو