[Giriş: Alim Qasımov]
Mərifət kəsb etmədən sən fanisən
Bir-iki gün dünyanın mehmanisən
Həqqi bilsən, dünyanın sultanisən
Bilməsən, xud div ilə şeytanisən

[Bənd 1: Xpert]
Qərinələr ayrılıq, cüda
Kitabələr qan dolu mida
Saçın telin yolduran vida
Qəfil silah dolduran nida

Qiyaməti gördürən səda
Canı cana eylədim fəda
Həqiqəti axtaran gəda
Cavabları bəllədi xəta

Xəzinələr torpağa çatar
Dəfinələr ortada qalar
Rəfinələr boş başa həba
Mədinələr qardaşa dəva

Nədir, fəqirlər çəkir cəfa?!
Gələr Nəbi əlində şəfa
Axır zaman yetəndə cəza
Çıxar özü oxundan fəza
[Bənd 2: Xpert]
Mələk ömürdən çəkər mizan
Əzəl günündən belə nizam
Yalın əlim boşluğu cızan
Düşüncəmin çölləri Fizan

Dünyaları fırlanan cihan
Yaradanı göstərir nişan
Cəhənnəmin fəryadı fiqan
Gedib, görüb gəlmişəm, inan

Bəni-adəm gizli bir nihan
Necə var edir yoxu iman
Gecə qum, toxum olur fidan
Böcəklər elə hörür kətan

Hesab günü bir neçə zəban
Əzazilə tutdular divan
Bəşər əhlin aldadıb ilan
Yükevvirun son adı viran

[Çıxış: Alim Qasımov]
Mərifət kəsb etmədən sən fanisən