يامي يامي يامي يامي

[المقطع الأول]
هذا جوابي لأمي قبل ما نمشي ونغرق في البحر
وصلوه الباب الدار إذا ملك الموت حضر
ماشي قاري حسابي يامي إمة نوصل إمة نموت
أقرالي الفاتحة قدام تصويرتي إذا كلاني الحوت
الوضع في البلاد ما يسرش ما تلومنيش إذا مشيت
نحبك راضية علية دنيا و آخرة مت ولا حييت
يامي عييت بالك بعد الحرقة يتبدل الحال
ما تبكيش بالك إذا وصلت نرجعلك فرحان
يامي البلاد ما عادش فيها راني بروحي قمرت
مالبطالة إتدمرت أستغفر الله جهلت و كفرت
لو كان جا عندي فرد راني قتلت المسؤولين
الفلوس هرب بيهم الزين قعدنا أحنا موسالين
الخدمة واقفة يامي منين باش نعطيك المصروف
تونس ماكلة برشة كفوف المستقبل زرع فيا الخوف
هاك تشوف في الضروف كان جيت لاباس راني محاذيك
نبوسلك كفوف ساقيك يزي ما إتكيت عليك
يزي ما عطيطني مصروفي و بكيت على ظروفي
خوفي كان ما رجعتش يامي يمة قرعة يمة نوفي
يامي إدعيلي بالسترة لو كان البحر هاج
و إدعيلي بالرحمة إذا غرقت بين الأمواج
نتمناك مع الحجاج إذا أنا ما حججتكش
نخاف عليك إذا خبري وصلك و ما يسركش
يامي ما تبكيش يامي ما نحبكشي مهمومة
ستنى مني تاليفون إذا ولدك وصل لروما
[اللازمة]
يامي يامي يامي يامي
يامي هذا جوابي ليك نحيي ولا نموت
يامي يامي يامي يامي
استنى مني تليفون كان تعديت الحدود

[المقطع الثاني]
إذا ما وصلشي تليفوني,ما تحزنشي عل خبر
إذا ما بتش في قبري ابني في قلبك قبر
رميت روحي في الخطر,خاطر البلاد داخلة في حيط
شي ما يسر شي ما يفرح,مل دنيا شي ما ريت
كان البطالة تحت الحيط كان السكرة مع لولاد
إذا وصلت سلامات ستنا مني كوليات
بالك نخدم,بالك ربي يفرج و تهنى الامور
في البلاد العجلة واقفة بالك غادي العجلة ادور
يا ميمة راني مقهور,لاني لاقي لاني كاسب
لاني قادر على دار لاني لاقي باش اناسب
ولدك من جبينك باسك,قبل ما يهزو الما
يامي إدعيلو بالتوفيق إذا بين الموج ترمى
كان جيت لباس راني بحذاك,يامي راني ماشي بسيف
إذا رجعت حي نرجع بكرهبتي و مرتي في الصيف
فديت مل الكوول والكيف,فديت من تراه دينار
فديت مل بلاد نزيد نفد كي نتفرج فالاخبار
نحب نشوف دنيا جديدة,عديت حياتي عل حديدة
ما نحبش نوفى كيما بو عزيزي و نشعل وقيدة
كان ما وصلتش اشري جريدة,تو تلقاني مع الاموات
و كان وصلت توا نجيبلك من مرا غاوريا حفاد
في البلاد ساقي حفات, وانا نلوج عل خدم
واش و 20 سنا وانتي تصرف يامي حشمت
إذا رجعت يامي نرجعلك راجل و نموت في قبري
هذا جوابي ليك يامي إذا ما وصلكشي خبري
يامي كان ما رجعتش توا يصلولك جوابي
يامي هارب مل بلاد مضحي بشبابي
يامي نرجعلك لباس كان كتب كتابي
يامي ما تبكيش يامي ما تبكيش
يامي فال بلاد شي ما يهني و يسر
يامي يزي مل بطالة و يزيني مل مر
يامي حالي واقف و جرى بيا لعمر
يامي ما تبكيش يامي ما تبكيش يامي

[اللازمة]
يامي يامي يامي يامي
يامي هذا جوابي ليك نحيي ولا نموت
يامي يامي يامي يامي
استنى مني تليفون كان تعديت الحدود